中國信達

昨天內銀業績不良貨款正在上升, 專處理這問題中國信達應該是正面, 中國信達去年業績有增長, 今年會更勝去年, 不過股價被壓, 國企指數偏低, 令到股價彈唔起, 我曾經想換馬, 現在看來又不錯, 打算留下來收住息, 睇多一年情況, 業績接近尾聲, 今日港燈除淨, 下個月很多股票開始除淨, 5月收息, 現在看來四月份恆指有機會上22000點, 如果上到22000點 我個組合應該轉正回報, 我個組合由2008年都是由自住樓套現而演變到現在每年收股息六位數字, 我現在自住樓都依然替我搵錢, 錢亦自己去搵錢, 我退休不成在工作 ,不過現在心態跟以前不同了.

欠債不一定還錢

今日係內銀公佈業績, 增長係無咩, 息都有,但壞帳一向市場覺得差, 中國信達預期來緊壞帳會好多, 我一向少買內銀, 之前買中國銀行, 有一定體會, 長揸一定唔會再發生, 最近仲話債轉股, 即係債主變股東, 感覺好奇怪, 借錢攞唔番本, 轉做股東, 都不是債主原來意願, 內銀收唔到數有機會要集資, 唔係點維持資本充足率, 之前好多人入內銀, 息高, 國企唔會執, 但我投資組合接受唔到, 個組合跟主人性格,每個人組合比例都不同, 想不到港燈衝上七元, 個市上了2%, 希望來緊上到22000點, 今日有文章說有幾多上市公司回購自己公司股票,證明係超值, 恒指低過我2012年入場點數, 點唔超值!

零售業寒流

我區一間茶餐廳開業很多年, 早前結業, 應該說走路, 不是正式結業, 這茶餐廳生意一向生意不錯, 很多熟客, 這樣結果令我很驚訝, 電視佈導很多商場內商店都相繼結業, 訪問東主都認為網購影響生意, 今日放工同事問我可否陪她去執平貨, 說那店快結業全店七折, 我問你是否需要買, 不要因為七折買一些不需要東西! 最後我都去了, 那店主樣子很無奈, 正跟朋友商議善後工作, 佢話貴租做唔住, 租金跟網購比較, 那一定輸, 網購跟本不需太多租金, 成本一定很平, 根本無得鬥, 但我同時覺得出現不環保問題, 因為網購平很多, 服裝更嚴重, 我一些朋友每季網購的衫是幾大箱, 電視話港人每分鐘掉過千件衣服, 我有時很想問朋友每季的衫穿完怎處理? 因為下一季唔見再穿, 我本人衣服起碼都兩三年殘才不要, 有些寒衣都十年八年, 網購亦令人很容易購物, 會上癮, 營商運作轉型, 究竟是好事? 還是壞事?

世界怎變, 我生活形式都不會變, 只有需要才買.........

心口有個勇字

很多人會認為投資要計算好好, 我想懂加減乘除, 百分比, 倍數 同分數都可以應付到!
如果能理解會計更好, 起碼你不會買入一個財務有問題的公司, 但你能從報表中找到好公司, 亦都不能很快有收成, 因為股市受很多因素影響, 大家唔睇好經濟, 會出現低市盈率, 低市盈率除了衡量股票的價值平貴, 都同樣表示市場對經濟的預期, 現在港股自2012年21000點到現在在21000點樓下, 早前還出現穿19000點, 有人認為現在是比沙示期更差, 沙示當時只差一段短時間就復蘇, 現在看不到前景何時了? 甚至有人說現在沙示期買股票, 隻隻平到笑, 我收息都6至7厘,確實現在很多公司市帳率低過1, 拆讓還不少, 可能不久後會出現大孖沙回購自己公司股票, 公司分了不錯股息, 大股東同樣都收息, 自己公司出現拆讓, 自己不執平貨!

我記得沙示時期死亡是那麼近, 還有心情買樓, 當時真係好多人執平貨, 現在都成千萬富翁, 我們說當時點解唔執呢! 如果像電視那樣時光回到沙示時, 你還有勇氣入市? 像現在大家都預期經濟收縮, 你還有勇氣買股票嗎?

長青遊戲 大富翁

相信大家對大富翁遊戲不會陌生, 由以前硬件到現在電腦, 多年都受歡迎,

玩過遊戲都知道透過買入資產, 股票產生現金流, 現金流再購入資產股票, 不停滾動, 其間都不會賣出, 今天有不少blogger都進行相同行動, 現實版我們都進行購入資產股票產生現金流, 我們不是想做大富翁, 是為了財務自由後,可以過自己想過生活, 昨天在星期五檔案一班60歲到70歲退休人士生活令人響往, 如果能提早退休更加理想, 有些30歲就希望財務自由, 我個人覺得50歲可以財務自由巳經非常理想, 30歲社會仲需要勞動力, 50歲可以讓年青接軌有上流機會.

財務自由很多人以為什麼都不做, 其實核心意思不是這樣, 而是過自己想過生活, 做自己喜歡的事, 不是為了生活費而工作, 財務自由就是現金流能解決生活各種支出, 不需憂柴憂米地過, 手停口停的生活方式

為何現在這麼多人追求這樣, 原因現在負利率, 低利率持續很多長時間, 未來還是未知數, 儲蓄不能應付未來退休生活, 現在上一代老人都依靠政府援助才維持最基本, 兩元車資, 醫療劵, 長者生活津貼等, 如果不想太依賴政府, 現在努力刻不容遲

整理投資

今日是假期第一天早上用 Google Finance整理組合, 話說2008年開始投資, 但那一次我沒有投資成功, 我當時買入和黃, 恒生同中國銀行, 買入股市在下沉, 我損失10多百分率, 只有等待, 如果我能持有到現在, 應該回報不錯, 我在該批股票平手放出, 在2010年頭付了三成買了出租樓, 同時還了借款, 經過一段時間我讀了很多書, 數量我記不起, 在同一年我再度在另一間銀行再按揭, 時間約2010年下旬, 今次我成功賺了20多百分比, 當時購入恆生指數是21000點, 我在每支股票賺了10%會放出, 期間進行了很多次, 兩年時間我每月還款, 過了罰息期還了百分之二十, 基本憑這種操作我賺了一桶金, 這組合最後生存是只有兩隻股票, 一隻是1299友邦, 另一隻是房地產信託405, 這兩隻持有到現在, 我在2014年底將出租樓放了, 把賺了錢放在公用股同房地產信託基金, 2014年我同時加按再套一筆錢, 連隨舊按重新整合, 按息率下降, 這次投資趕上去年所謂牛市, 又賺了百分之三十, 當時我都套現,係恆生指數回落再入, 當然這次遇到熊市, 見識到低處未算低, 如果計回2015年賺的, 現在是平手, 去年百分之三十泡湯, 跟據我2008年那次經驗, 我沒打算再平手走,因為我在2015年去了學投資, 今次是上課不是書本, 去讀原因是擴張我視野, 以前投資沒深度, 開始留意價值投資, 我覺得我下一步應該學找倍升股, 我老師是香港都知名, 憑投資倍升股同價值投資提早退休, 適逢佢開班授徒, 將多年投資經驗授出, 我在報章看他專欄很多年, 完成課程後發覺自己不足, 現在依他的方法重新投資,主力找倍升股, 現時組合有大部份收息都過7厘, 可以做到巴菲特雪球效應, 用息再投資, 現在不會收到就入, 等大調整才進貨

上山的路

投資到財務自由好像山頂, 每個人用方法都不同, 有人會行上去, 有人會搭車, 總有人會想盡辦法上山頂, 其間可能路斜會影響進度, 又或者天氣不似預期, 只要堅持忍耐最終都會到達目的地,
在未到達目的地, 可以享受沿路風光, 不要讓自己很大壓力,

寫幾天, 原來上山的人都不少, 間中欣賞學習別人的心得, 係上山另一收獲!

旅游股

昨天6882東瀛遊出業績都不錯, 多賺一倍, 因為我最近轉工作, 在旅行社工作, 我本身是從事會計,才知道旅行社負債是零, 報表有負債, 應該是屬於簽約租務的債, 沒有銀行融資, 這行業先收現金一個月, 現金流不錯, 第一次從事零售業的我, 市場佔有率很重要, 同良好口啤, 這是從零售業很重要一環,主要成本是租金同人工, 香港旅遊業差是來港, 因為港元強, 相反港人會因為東南亞貶值而多外遊, 現在港人工作壓力大同香港彈丸之地, 港人放假絕多數外遊, 這旅行社管理層都很不錯, 趁股價回我打算入些, 將來退休時收息可以去旅遊嘆世界.

今個業績期收股息有不錯增長, 約6月可以收齊錢, 等待下一次調整, 這年頭調整密度相當高, 以往我收到息很快再投入股票, 現在學乖, 等調整到上一次低點18500入, 上次這個位約半個月就反彈上去, 應該值得買價位, 這隻股現在覺得貴, 穿2元可以考慮入場!

買你最熟悉行業股票

記得曾經看過一本書, 提到投資你最熟悉的行業, 做電腦對電腦資訊科技很熟, 作為職業用家知道什麼名牌最好用, 什麼價可以入同放!

我本身從事製衣業很長時間, 對製衣情況很了解, 製衣從香港轉到內地製造, 風光一段時期, 近數年由於國內人工上漲, 人民幣升值, 成本增加了很多, 很多廠商都捱不住, 今日有隻製衣股3322永嘉 公佈業績增長6倍多, 我在去年尾都有留意, 永嘉將廠房移到成本低國家, 人工同關稅低令毛利上升, 加上擁有名牌同自家品牌, 特別自家品牌利潤很高, 我去年買入股票, 賺了不錯差價放出, 由於我不太肯定是否走出困境, 作了一次短期投資, 早前永嘉發出盈喜, 我很快再度購入, 今次我會長期持有, 如果回了我合心水價會再補貨, 我相信跟據現在經營情況應該可以走出困境漸入佳境, 明年會有大型足球賽事, 作為品牌製造商, 訂單一定不俗!

可能有些人沒想過自己職業喜好可以替自己找到投資優勢吧!

劵商股

今日我其中一隻股廣發証劵公佈業績, 業績相當不錯, 這隻股隨著內地收緊融資, 跌到10元樓下, 招股價都跌穿, 我都有損失, 今日好業績加上中央放鬆融資, 反彈超過百分之十, 我朋友說如果係10元樓下再入可以賺一倍, 心想當時收緊融資, 同替國家護市, 都四面楚歌, 還會溝貨!

劵商股屬於周期性股, 買一定要低殘入, 等回升, 這是我老師說, 包括港交所, 我交學費交得遲, 所以在坐貨, 不過股息出乎我所想, 意外多一筆錢, 我相信這股應該仲有運行, 遲些開通深港通會帶動佢.

執平貨真實個案

今日想分享一個真實個案, 我未搬時住在戰後舊樓, 無業主立案法團, 大廈商住都可以, 門口無大閘, 大廈住了各式各樣的住客, 小販最多, 其中有一個老婦人每朝都推車去賣毛巾, 帶一個中午用飯的飯壺, 在不需付租小販位置風雨不改擺賣, 很勤力,  我家母同她比較熟, 有時她去洗手間, 母親都有帮手看, 當家母提及要搬, 那老婦人說點解唔早說, 我有興趣買! 細問下她原來持有大廈多個單位, 全部都租出去, 當母親告訴我, 我真係好愣然, 賣毛巾賺得幾多錢! 佢出價錢我沒有興趣, 太低! 我相信她捕捉好低價買入, 母親還說有次大股災, 她見我母親路過, 請求家母代為看管, 她要趕去銀行買股票, 她可算是執平貨的專家, 佢知道什麼時候最平就去入貨, 現在她依然過著小販生活, 早晚有親人來帮她開檔同收檔, 畢竟年紀大, 中午見她在午睡, 買毛巾顧客放下錢取毛巾就離開, 沒有人弄醒她, 最近見她再多賣, 將舊物整理好, 10元賣出去!

同一個道理, 套用在股票樓市, 可以克服心理在災難時入貨, 而長期持有

老實講, 散戶好多時都是高價追貨,低價沽貨, 係人性, 要做到相反, 是不容易, 所以成功是很少數人!

正負極

世上任何事都有兩面體, 太極都有虛實陰陽之分, 當你買入一個股票, 那隻股票都會有好一面, 同唔好一面, 房地產信託基金好處之前提過, 唔好一面是對加息敏感, 不過房地產信託基金負債都有限制比率, 風險不算高, 加上近年利率之低, 從未如此過, 雖說美國說加息, 我覺得只不過保強美元立場, 更有國家巳到負利率邊緣, 資產價格只會上升, 物以罕為貴, 以前印銀紙背後要有黃金支持, 現在只要信你, 銀紙開機印幾多有幾多, 香港樓價巳非一般打工仔能負擔,  樓價雖跌但都是貴, 現在電視廣告財務借貸最多, 很多論點證明市場很多錢, 低息應該會持續一段時期, 講加息都可以減息, 唔一定講加息以後一直加, 加完可以減!

今日收到退稅, 因為我之前有租收, 現在無, 所以退回預繳稅金, 房地產信託基金係完稅再計息俾你, 想不到息率高過我收租息率, 有大企業跟進好過我一個人力戰租客!

下回會講我過去現在另一個投資, 就是股票, 你會話你幾回都講股票, 那是屬於退休計劃, 來緊組合係至富, 增長股同倍升股...........

房地產信託基本 REITS

今日煤氣公佈業績, 像往年一樣派息同十送一, 煤氣在香港除了公用事業, 還是獨市公司, 電力反而有兩間, 一間掌管九龍同新界, 另一間掌管港島區, 煤氣供應係全港, 所以PE一向都高, 煤氣應該不需擔心會關門, 是長期值得持有, 過去係恆指回報率最高!

現在開始計算租金, 同伙食, 如果有自住樓都需要計算租金, 原因係超過20年樓都要準備大維修, 這是一筆很高的費用, 所以一定要計算租值, 一間屋約10,000 一個月租金, 伙食預5000, 這樣一年需要18萬息來應付開支, 以往有人買一層收租樓作為退休生活費, 我在09年底用3成資金買一層樓收租, 當時連租約無樓睇, 因為我都住同一層大廈, 所以單位好清楚, 打算租金去供款, 自己儲錢, 可以加快供完, 當我收樓租客約了我去收租單位, 一睇好殘, 租客叫我去目的是說一切破壞都唔關佢事, 之後佢交租都準時, 有問題叫你維修, 當租約完再傾新約, 佢亦都以間屋太殘唔可以加太多租金, 我在想收回來要裝修都要10萬, 地板都蹺起, 仲要搵過新租客, 結果加幾百元算了, 裝修同換租客期間我要供樓, 點計都唔化算, 世事就係咁, 樓價一年比一年高, 很快兩年過去, 再續新約又係話我間屋太殘, 又係加幾百, 隔離都過萬租金, 我收緊8000, 覺得不值, 正值美國停止量化, 打算加息, 賣樓念頭生起, 當時我在買股票留意到房地產信託基金, 我買了置富房地產信託基金, 賺了不錯的錢, 我唔係好了解這基金, 當抄股處理  其實這類基金係2005年面世, 係地產股商廈拆出來, 地產商可以套錢再投資, 讓市民認購, 營運是收租物業減去費用後規定超過9成分派股息 同收租無咩分別, 所以打算賣樓賺到的錢放到基金, 一來唔需要對租客, 處理雜務, 又唔使面對大維修, 唔會拖租, 唔使供樓, 我選擇了405這隻國內商廈, 我買時息率超過7厘, 係這大投資前我都有小量405, 收了兩年息, 都無事發生, 信心大增,今晚睇完東西望個業主遇到惡租霸, 我無後悔這項轉換投資........

組合分配

上回說到在生活上基本需求進行對沖, 該怎樣分配才達到最佳效用?

我每年都做一個我個人報表, 內有我日常開支, 收入, 投資記錄等, 舉一個例子, 我會記錄整年電費支出, 假如是7000元, 我會加5-8% 就預7500, 我會計算港燈一年收7500電費需要購入幾多股票, 依我計算20,000股票足夠我整年電費費用, 以我購入價需要成本10萬元, 那以後你電費有港燈替你付, 還持有20000股港燈股票, 到你退休時巳經不用為電費煩, 經過我超過一年投資, 每新一年息率有少許增長, 可以抗通漲, 將來百年歸老可以轉給你下一代.

可能你會問為何不買多些? 公用股增長率是好慢好慢, 無必要投放太多資金在公用股, 只夠交電費就可以, 煤氣, 電訊都可以上面方法處理, 電費我預多了是包括水費, 水在香港有納稅人補貼, 費用唔浪費基本相當低, 供水來自東江, 是國內股票, 沒必要加多一隻股票, 我撥入電費處理.

明天是煤氣公佈業績, 煤氣股息率不太高, 不過煤氣費用比電費平,  每年都會十股送一股, 我巳經收了一次股, 不知今次有沒有? 增加股票令我收股息收多些, 又是抗通漲啊!

今晚東張西望預告明天會提到小業主遇上惡租霸, 就是我棄樓從股原因之一

下回講我購入收租樓至放樓轉投房地產信託基金.........

防守股? 對沖股?

昨天港燈(2638)公佈業績, 派息比上一年多點, 根據我前年買入價5.10 息率接近8厘, 這幾年為了退休, 我都計劃很多退休現金流, 一旦退休零收入我怎樣維持生活, 人一出世面對不同支出, 最基本水,電,煤,住屋,食物無一倖免, 有些人會統一所有開支去投資或買樓收租賺生活費, 我選擇分散, 就每一項支出找出相關股票對沖

假如有層樓收租, 如果突然租唔出, 那租唔出的日子怎生活? 屋住耐了要大維修, 不是長期租客, 每次換租客都要粉飾一番,  又要停一兩月去重新搵租客!

我因為曾經擁有一層收租樓, 有想過用這層樓作為我退休用途, 係兩個租約約4年左右, 我深深體會一些負面, 結果趁14年底細價樓癲價放出, 跟我買入價賺了超過一倍,  解決供樓欠款同得到一筆現金,將 一部份買入不同SS股份.

電力我選擇了港燈, 他前身是電能實業, 分拆出來變成信託基金股, 這SS股規定收益扣除成本後要付超過9成息,  同時我買入煤氣對沖我煤氣費,  手提電訊費同上網費我選擇了香港電訊基金(6823) , 租金我選了房地產信託基金用來對沖我租金, 差餉, 物業管理費, 同伙食費.

分配比例下回再說........

重新出發

08年開始投資, 當年我將自主樓按給銀行, 第一桶金上投資路, 係Yahoo都有寫出過程, 但Yahoo關閉了博客, 令我沒有繼續寫下去, 今日重新出發, 經過8年投資路, 手上巳經有很多桶金, 我形容自己只成功了一半, 經驗倒累積了不少, 打算將經驗分享出來, 以日記寫出投資心聲.