五窮是否出現?

係股票市場一定對五窮六絕七翻身不陌生, 五月開始這些天股票似乎向下機會很大, 星期五我都放了一隻近期入股票, 賺了一點差價, 同時賣了變酸的股票, 沒有息的股票, 剛季度出現負蝕, 放了免影響組合, 我過去都發生變酸的股票, 都要忍痛斬掉, 就是拉上補下的戰略, 我有退休打算, 股票要執一執, 會減國內股票, 轉高息股票, 現在高息都不便宜, 我知道美國再傳加息, 這類高息股會跌, 現在高價都是抄出來, 所以有機會會跌, 因為買貨沒打算長期收息, 有利可圖會賣掉, 我下一個目標是長和, 最近年報達200多頁, 近90元下我會進一手, 年報要一段時間才看完, 如果好認真去了解, 對我會計本業同投資都有提升, 就是要很多很多時間啊!

國內兩極化

中字國企業績非常差, 反而中國私人企業不錯, 有錢賺, 反影了做36 唔做36係養懶人, 私人什麼都靠自己會博求華麗轉身, 當然唔係隻隻都係肯耕, 要識搵有潛質的股, 所以股要睇要跟自己唔懶得, 世界很公平, 早起鳥兒有蟲吃, 無論時代怎變, 這定律不變, 所有投資者都要經過努力一桶金, 往後用桿杆力上, 再以倍上.........

酒店信託基金

香港信託基金有一隻經營酒店, 2013年上市價5元, 現在跌了50%, 我在佔領中環買過一次, 賺了差價就放了, 再沒有買咗, 今日新聞說黃金周酒店仍有空置, 旅遊業相當不景, 這隻股票息率達至過9厘, 不是息有增長, 而是價太殘, 現在買入都有風險, 因為旅遊寒流不知幾時了, 可能下次公佈業績會再差, 價有機會再跌, 這個機會很高, 我覺得可以監察, 如果息率過10厘都可以考慮下, 在香港有10厘不多見, 有時執平價係要在負面消息先有機會, 危與機都是同步.

REITS創新高

近來REITS升很多,股市波動到人人都向收息股求安穩股息, 我組合有增長股, 有REITS, 有公用股, 有國企股, 最後想不到跑出是用來收息, 我又唔想賣, 我打算個價升到息率低過美國債劵息率會套現另作打算, 現在我最想套現國企股, 因為息率唔吸引, 又捱價, 想睇埋深港通再打算, 換環球房地產基金指數, 香港經濟未來都係差, 未來只會更差, 我手上無香港本土股票, 今日陳家強提及保險業在2020年增長會很快, 我前文提過保險業未來亮點, 友邦會更長線持有!

友邦季度業績

昨天友邦公佈季度業績, 新業務價值增長破歷史性, 隨即國內話地下保險, 真係覺得好小氣, 做生意嘅各師各法, 唔反省自己點解唔及人, 仲兇人! 由奶粉, 打針到保險, 看到什麼? 人想追求健康同保障,  俾唔到人仲要阻頭阻勢, 人性就是將所有問題都是別人問題, 不會自己改善同反省, 何來進步空間呢?

未來保險需求一定增加, 因為醫療非常昂貴, 平時付出少許, 一但有事不會沒錢治病, 影響很大, 現在嬰兒一出世, 父母都會替小朋友買教育保險同醫療保險, 出來工作都會替自已買一份保障, 因為工資扣了生活所需費用, 所剩無幾, 何來金錢支付醫療費用, 除非一早開始投資習慣, 有理財能力, 每年能創造高於通漲財富, 香港現在有強積金, 工作開始巳開始供款, 到退休應該有一筆金錢可以維持基本生活, 再有質素靠自己努力, 增值自己工作同財富

友邦主力在亞洲市場, 近來不斷建立良好形像, 零售業務很注重市場佔有率, 要有佔比率一定要有好形象, 亞洲不斷發展, 國內剛改變一孩政策, 發展空間很大, 當然市場很多保險公司, 怎樣突顯與眾不同, 誰領導市場地位, 來緊十年我非常睇好保險行業, 所以我組合持有友邦, 比例不少, 友邦不是收息股, 是增長股
組合要持有不同成份股票達到現金流同財富同時成長

追求夢想

最近參加了一個房地產講座, 有一個金句就是追求夢想同自己講想要, 想要, 好很想要, 要將夢想付於實行, 有阻擋都要想辦法一腳踢開, 直奔理想!

很多人都是想無去實行, 到老一場空! 又或者總是無可能, 做唔到去說服俾籍口自己做唔到, 過去投資物業到現在股票, 都是一個信念 想要! 想要! 好很想要!

樂園變屠場

今日主題公園大裁員, 被大做文章, 蝕錢抄人都無辦法, 問題係政府有份, 抄人變成有問題, 我都係打工仔, 公司無錢賺仲蝕錢,邊有錢出糧, 唔抄可以做什麼? 不看政府那方面, 就當一盤生意睇, 蝕錢 減成本是必經之路, 人地仲賠錢補哂, 當年荔園執又唔見有人覺得係問題, 從生意角度, 樂園入場費好貴, 一家四口都過千, 自由行來旅行使一次去玩無問題, 港人會唔會個個月來消費, 咁嘅價錢唔會, 去得多都悶, 仲人口開始老化, 老人邊有興趣小朋友鐘意嘅地方, 門票減多些博本地人去玩下,  搞多些創意吸引多些人, 望起死回生, 否則會唔會拆起樓好過, 那是一個相當大的笑話!

啤殼股

最近有隻新上市股票, 升幅真難以相信, 全城熱話, 一隻股上市如果以20倍市盈率, 即身家漲了20倍, 吸引無數公司啤殼, 這類股不是我杯茶, 很多股票有不同賺錢方法, 唔係個個一樣, 呢類股我同你都買唔到, 可以坐係度睇場戲, 呢排無咩好戲, 就睇呢套!

壞消息是否出盡

今日出乎意料之外上升過600點, 壞消息出盡還是壞消息對市場巳經沒感覺, 今日官方出口竟然回升, 國內是否巳見底, 出現曙光, 這一切要等國內再多經濟數據再作實, 國內巳經量化了一段時間, 理論藥力應該出現, 今次係減稅直接受惠落入民間, 不像上次基建沒直接到民間, 公司可以更優惠利率借錢, 再加上減稅, 企業活動擴張, 增加工資同就業率, 國內巳經進行第三產業, 我相信數年後會更好, 未來睇好保險業同醫藥, 我重注友邦希望佢很快成為亞洲保險龍頭阿哥, 我有信心他一定做到.

有幾慘?

今日我同戰友分析下股市, 朋友好悲觀叫我好走貨, 我一年前唔走現在走, 我情願在股災補貨都唔會賣, 事實我唔明佢點解咁悲觀? 因為我個倉日日回升中, 特別我手上港交所同廣發証劵, 似為深港通準備中, 偷步入貨, 另一隻友邦我的愛股將於20號出季度業績, 所以最近價都算幾穩, 我本身發展緊現金流組合, 點會放貨, 我準備了待熊資金等大調整, 係恒指10倍樓下再跌落, 幾難撻得死? 因為我要做到恐慌時入貨, 瘋市出貨, 我經歷了一次跌10,000點熊市, 帶來一次新體會, 長進了我的經驗, 我股齡唔淺, 前10年我係牛市先入貨賺了一筆錢就走, 我經歷兩次牛市, 每次發了小財, 談不上至富, 上至股神, 下到民間價值投資者, 東尼, 曹仁超, 經歷大半世記價值投資達到至富之路, 這條路一定要堅持走下去, 因為我想知道價值投資是否屬真.......

國企指數

今日公佈國內數據, 應該在預期內, 所以有不錯升幅, 劵商受到國內放鬆, 升幅相當不錯, 以現在市盈率相當吸引, 我回到家鄉日子指日可待, 希望國內股市回升到正常水平, 我開始睇2015年財務報表, 先看房地產信託基金, 我首先分拆405越秀房託, 發覺應該睇多同類型股票, 我選了0808泓富房託, 不知何解後者表達比前者舒服, 清楚易明, 國內對我來說總之很難了解, 0808是我下一個進貨目標, 現價比較貴, 希望2.80樓下可以入到. 我不想重注單一收租股, 畢竟退休用途要穩陣為主.

看年報

雖說我是一名會計, 但不是Certified Accountant, 但我可以獨立全盤帳, 上市的財務是複雜, 近年為了投資股票我都努力去睇報表, 財務報表都在告訴你公司過去一年財務活動, 算是一種了解, 可以看到管理層的管治能力, 同未來一年展望, 一份報告可以有幾百頁紙, 仔細看都要很花時間, 這是增值自己一種方法, 大家可能問點解唔去考個牌! 第一係好困難, 我有個朋友磨了過10年才考到, 有個親友的兒子放棄了, 考到確是工作一個保障, 每一間listed company 要有certified accountant駐守, 但我見佢地係專業浪費很多時間, 現在反來討教投資之道, 擔心退休生活, 即是他們擁有一份高薪都不能保證退休金, 還要個個月埋數加時工作, 季度業績, 半年業績同全年總結等磨到半死, 這是我最近加入上市公司的體會, 我情願花時間去投資, 起碼還有希望吧!

港燈的傳奇

我在佔中買入港燈持有到現在, 假如回到以前我將收租股轉入港燈, 那麼我賺了半倍, 當時港燈我等了一年多才展升浪, 我嘅收租股又幾時展開升浪, 佢資產淨值都超過5元, 好多大行睇佢4.80, 大家息率都是超過7厘, 但港燈賺息賺價, 不如樂觀些去到未來我隻收租股可能都升過一倍, 國內資產一定會升, 到時息率應該可以再進一步增加, 香港樓價貴帶動租金, 剛收到差餉又多了, 那1000元都唔夠扣, 唔好誤會我住千呎豪宅, 係細單位, 死未!

今日好像香港金融被踢出三甲, 我覺得香港自己攞來, 金融衍生橫行, 個市簡直用不知所謂, 一日幾百點上落平常事, 散戶沒能力可以將股市當海盜船般擺動, 散戶只有用價值投資來保護自己財富!

煥然一居

假期後煥然一居安排揀樓, 結果因為樓價跌中簽人覺得折讓收窄, 買樓嘅人唔多, 其實煥然一居地點不錯, 可惜生不逢時, 所以話市場就係咁, 跌係唔會有人買, 好像現在股票一樣, 因為波動中往下沉, 無人有興趣買股票, 往往牛市時不停買貨, 因為佢地覺得升市會有下一個接貨, 真正投資係無人買好恐慌有閒錢覺得平就買, 等嘅時間會長, 但閒錢唔怕等, 等到牛市個價值超過本身價值可以考慮放出, 完全同大眾相反, 有時我覺得投資人係孤獨, 我現在有閒錢買貨很多人覺得我傻, 因為財務專家話14000點, 更可能係10,000點, 現在仲買唔係傻! 我會揀息率高過30年美國國債, 起碼坐都有點息收!

沽空

今日講沽空, 舉例你去證劵行借某股票, 你收到借來的股票在市場放出, 然後在低價買回, 賺了差價, 將股票還回, 我一直都奇怪點解持股人會借出股票,俾人做低自己買的股, 收息又唔
多, 有人解釋是持股人升跌都唔放, 所以借出無所謂, 仲賺下息, 持股人原來唔望升, 非常奇怪!
當然沽空有風臉, 當年政府同大鱷一戰, 盈富基金就是這樣出世, 大鱷在市場沽空, 政府不斷接貨, 結果大鱷重傷離去! 政府買來大量股票變成盈富基金讓市民認講, 當然有人憑沽空而得到可觀回報, 所以我說沽空很出名, 最近中央替沽空叫惡意沽空, 我想邊個沽空唔惡意! 無善意沽空, 沽空發財同價值投資成名的股神, 留在世人有相當極端看法!

什麼是期貨?

我前年讀了初中級投資課程, 講解什麼是期貨? 先將期貨兩個字拆開, 期是有時間性, 貨就是物件, 即是未來約定一個日期, 協議一個價錢對一項物件進行交易

他是一項衍生工具, 需要依附一件物件而生, 最常見是恆生指數, 國企指數, 股票等, 恆生指數是現時50家公司股票組合, 這類指數每個國家股票市場都有, 納入指數的上市公司當然有一定要求, 說回期貨的產生, 沒有期貨股市像樓市一樣, 因應供應同需求而引至價格升同跌, 市場很奇怪, 就樓市為例, 幾年前樓價上升, 很多人爭住買樓, 好像唔買唔得, 不停抱怨樓價太高, 今年樓價確認轉方向, 買家不停鋤價都不決定買, 因為覺得再跌, 唔買都不太重要, 可以租唔一定買, 如果樓價再跌, 會觸及按揭成數淪為負資產, 到時通街樓無人買, 股票情況都是一樣, 起時可以非常瘋狂, 跌時可以深不見底, 期貨出現, 可以對沖手上股票, 假如手上很多股票可以沽出期指, 若下跌可以補回正股損失, 我個人覺得對沖多了一個成本, 我的股票如果拆讓, 遲早會升回, 怎樣都好這是期貨原意, 同時你會發現這是一個零和遊戲, 當你買入一張期指, 即是同時有人沽一張期指, 舉個例子 現在恆指是20500, 你買入一張期指, 到了月底結算日收市是21000, 那你賺了500點 每點50元, 同時有人要賠錢, 不論國企指數, 股票可以買同沽都是零和遊戲, 比較俗的例子是我同朋友在茶餐廳進餐,我可以用100元跟朋友賭下一個入餐廳是男人還是女人, 結果我可能賺100元或者係我朋友賺100元而我損失100元, 這算是投資嗎? 期指是比較簡單, 現在有期權, 牛熊証等, 最近仲crossover期權加期指, 玩法多元化, 這類投機多數桿杆, 只要付按金可以買多幾張, 看對方向利潤很豐厚, 不過有一點好肯定大家不是神, 不會每天看對方向, 我覺得跟我練拳一樣, 練拳不練功, 到老一場空, 不是達到財務自由終點!

下回講另一個很出名的財技沽空………..

股票本善良

股票原來是經營者一條橋的誕生, 因為欠資金需要集資, 又或者係正在經營者想擴大需要資金, 將公司股份化出讓部份換現金營運, 這方法不用向外負債, 增加成本, 賺了錢大家分享, 而小市民可以有閒錢投資, 其實將錢放銀行, 銀行都是將你的錢借出去讓經營者營運, 銀行收了息, 分小部份給存錢人, 自己賺息差, 存錢是整個經濟鏈最低層次, 存錢不一定穩定, 不然政府都不會出一個50萬存款保障, 如果上市公司出了事都是火燒連環船, 最近例子就是內銀, 因為不良借貸在上升, 政府打算債轉股, 將問題降溫, 不然引起另一場金融災難!

本來很簡單的一支股票, 現在都複雜了, 因為有部份經營者不是想經營正業, 是靠上市公司來圈錢, 即是我們俗稱妖股, 這類股避之則吉, 不用花精神在妖股上, 我們應該看一間公司數年財務報表, 內有完整過去數據同發表將來營運, 平時留意公司公佈事項, 巳經反影公司體質同性格, 這種功課不應偷懶,, 唔識都要學, 數年數據可以保障事件真實性,  很久前股票同樓市一樣, 沒有對沖, 一間公司讓出股份是有限, 因為經營者一定自己控制足夠話事權, 如果是好公司, 因為有限所以引起增值的作用, 讀經濟都知道供應同需求, 供應多少同需求多少會出現不同價格, 為何股票會有期貨市場? 下回再說

天生購物狂

我除了現在儲股票, 身邊有朋友做期權, 甚至有朋友還替我上了課, 我都了解佢基本做法, 如果風平浪靜上落幅度唔大都可以收期權金, 不過近期波動那麼大, 真是心跳遊戲, 做得期權主要賺時間值, 有人說個股市波動大就是背後期權, 期指同牛熊証影響, 港交所為了搵錢很多都當看不到, 做上難因為要真金白銀有成交量先上到, 做落相對較容易, 看港股跟其他地方股市長期偏低,低市盈率高息率, 一個個調整配合一個個動人故事, 我個人都好少理, 有現金去執平貨, 不知不覺儲了很多貨, 朋友話你會唔會記得有什麼貨? 事實上印象深都記得, 有些都會唔記得, 無所謂反正係倉度唔會走咗, 未來我會再入貨, 天生購物狂, 上市公司都執自己平貨, 多謝大戶俾咁多機會我去執平貨, 大家都知香港是高通漲城市, 無平野, 衣食住行樣樣貴, 股票最抵, 平過一罐可樂, 同一包日本零食, 仲有高息收

很多人對股市很負面, 正如我主題太極理財, 都可以好正面去睇這個股市