2017年2月21日星期二

業績差

今日恆指重磅匯豐成績表出世,業績比大行預測差,我自賣出都無打算買過,因為美國加息得個講字,真係加息先再想,係未達到正常息率,銀行要捱寒流,做製衣永嘉都發盈警,今年仲好少單,我有親友做製衣配料,過年見面話無單壓年,聽到心寒,我朋友話我轉身快,我重申我無水晶球只是家事離開工作多年的公司,打算退休,只是後來出來再工作,意料之外。

永嘉除了加工成本增加外,零售都不濟,應該說很多零售都會差,朋友話食飯都少了人流,道聽澳門都好靜,我在想現在恆指市盈率達12倍,但盈利縮好多,市盈率會不止12倍,星期五接力恆指重磅股友邦,我估計盈利會有增長,因為宏利都有增長,應該差不多,但國內管制資金外流,來緊新業務增長可能會減弱,現時只有地產同保險盈利會比較好,我打算除了Reits外其他股票要減磅,增持現金再作打算,下月國內企業成績表接力,我認為都是不要太大希望,分分鐘恆指會回到20000點樓下都不出奇。

4 則留言:

  1. 師兄互太是否都不看好?

    回覆刪除
  2. 增長放慢, 要死守到復蘇, 跌到殘先考慮.

    回覆刪除
  3. 過去十幾個月,永嘉的股價波幅非常大。 雖然我沒持有保險股,但我都期待他們的業績(保宏友),過去兩年保險公司做投資單比例少左,一來监管問題,二來市場不是太過配合。大部分生意都重投傳統保險業務,或者有能力有網絡的agent做國內的jumbo case 或者大額萬用壽險。

    回覆刪除
    回覆
    1. 今日友邦業績都不錯, 但大戶要造市反而跌, 我都會繼續持有. 我持有數年現在佢升升跌跌都無感覺!

      刪除