2017年4月21日星期五

累積

今日星期六早上將手提電腦大掃除,將無用軟件剷走,部機很慢,再進行磁碟清理,足足玩我兩小時,我無浪費等待時間,將部音響駁回新電視機,要兩個人先可以做到,個姐姐忙於買菜,又要等佢回來,又在等待期間睇書,當然睇我新買證券分析,早前同老師食飯,佢話股票市場97%人係蝕錢,只有3%人係賺錢,我相信我是3%的人,未識佢前我係牛2入短時間抄一筆就走人,兩次大牛市都走得切,至於邊個教我買股票呢?我真係唔太記得囉,我阿媽係我阿爸教,話工字不出頭,叫佢買下馬票先發達,馬票消失有六合彩都未發達,所以會不會影響我,我阿媽轉賭馬,抄外匯買金咁,應該係佢影響我,到最後意識到退休問題,先長期投資,投資是一條很長的路,不斷滾存累積,錢累積不容易,要使哂好容易,相反電腦入邊都唔知點解積埋好多野,拖慢部腦,剷佢又要花長時間,投資壞組合當然要剷走,個組合先可以暢通,每一個人投資組合最後累積好多唔知點解會買股票,變質投資會拖慢組合表現,仲影響埋現金流,要抽時間同精神再整理。

你們組合是否同我一樣呢?

3 則留言:

  1. 我估自己組合比你更亂,50隻股票,好多都唔記得買入原因,所以6月底都要大整頓一下

    回覆刪除
    回覆
    1. 50隻股票
      不是買盈富基金還方便嗎!? 🤣

      刪除
    2. 盈富基金都唔係好表現!

      刪除