止痛藥

美國又重新買債，有人形容量化是止痛貼，重複重複地貼，分分鐘又要加重藥力，有資產股票又要重新量度，房託和派息穩定會有支持。最近打算有閒錢儲些股票，銀紙可以無限印，我有大部分房託不想再加大，打算儲下獅子銀行，超過6厘息，本身有少許，有些閒錢慢慢儲，之前執屋花一筆，現在都差不多執好，有閒錢當然再投資！

中美貿易戰

最近中美貿易戰有部分傾掂數，所以星期五個市升好多達600點，香港社會對股市似乎不大，但我都入7500對沖，因為感覺會有機會大跌，收息依舊持有，房託越秀地點都在國內，影響不大，相反香港房託比較直接影響，領展我覺得不太大，778影響直接多，單一個沙田市中心就影響大。

似乎股票不應該集中某一個國家，香港我只投資兩電一煤，電訊，最近多一隻豐盛服務，佢集團可以俾穩定訂單，我相對較放心。

我的小植物

家中親自由種子種到這樣，14 June 2019 三個多月，種植好像投資，選好股票種類，投放資金（落種子），了解業務進度（培養），變壞要斬斷，不斷狀大，發展等等

中秋佳節

今天忙於做節，差點不記得寫一點東西，大市好應景升咗些，不過280阻力大，唔好追貨，不如慶中秋好過！ 剛港交所同英倫合併泡湯，港交所未回應，我都了解到咩事，唔會打港交所主意，記得老師講港交所係周期性好強的股票，買佢要係冷河時期，仲要守到大牛市，玩港交所賺最有印象係家燕姐啦！！一個股識得時機可以大賺！

最後中秋節快樂！今晚月亮好圓

心態改變命運

同大家分享自己經驗，好多時成日講朋友的朋友，今次自己朋友，約兩年前朋友都想財務自由，要財務自由一定要識買股票，工具不二之選一定IB，在IB做期權都要學習，朋友們分別都試過出錯，因為收期權金永遠都是賣出，好多時弄錯變買，朋友A錯一次沒再錯，朋友B間歇性出錯，原因都費解。

朋友A反應比較慢，不算醒目型，樣樣都要捉住手教，教A要點耐性，至於朋友B係醒，分析頭頭是道，感覺投資應該沒問題。經過兩年時間，兩年間都會交流下，最近檢討一下結果，朋友A成績不錯，估計每年都達10%回報，半年前更槓桿進步更快，致於另一個B竟然不賺錢，原因一 做錯交易多，原因二 風高浪急就驚青，即刻賣股，係波動緊賣股何來好價？槓桿更不會咁敏感盞睡不著

技術可以功多藝熟，但心態人人不同，你們奇怪A唔驚咩？ 驚點會唔驚，佢反應慢，後知後覺，最後少理！ B好貼市小小波動就驚，最後賣股。結果如何想像得到！A自知自己唔醒，股票選擇就有限，都係佢有信心股票，生活股點波動佢都不受影響，數埋都係10隻左右易控制，B沒有太多投資生活股，生活股動盪都令佢不安，恆基原來十送一，加埋幾厘股息，隨著四叔退休就會想明年還有十送一嗎？大家是否覺得B很會分析呢？如果A就會想不到啦！

老師說100個人投資只有3個人會成功，一個我認架，加上A，我們兩個人特性都係蠢蠢地，腦轉得不快，反應都慢一拍，這樣說原來97個人都是聰明。上帝真公平，聰明可以好多方法生活，唔醒搵錢方法不多，最適合唔跟車太貼的股市。

消失的一年

我消失了一段時間，原因去年我做一個手術，巳經一年！其實術後兩個月巳康復，只是寫東西提不起勁，投資從沒有放棄，我投資組合新加入中國聯塑同嘉華，目標比較長期！

在自己投資都協助朋友，她們想財務自由，要達到這要求，當然要學投資，她們巳進行一段時間，結果有點特別，所以好想同大家分享一下！下期會講多些，可以從真實個案對投資多體會！

沽日圓

最近沽日圓，原因港元息貴，買港元沽日圓，想不到日元近日跌不少，賺息賺價，我開始在外匯做沽家，加上沽瑞士法郎，買入美元，可以買美股，同時做美股期權，避開風高浪急港股，金跌了不少，暫時未有SP GLD行動，睇多一段時間!