2016年12月31日星期六

回顧2016年

 今天是2016年最後一天,大家有沒有為自己在2016年投資做了計算,我在聖誕節假期用了錢家有道的收支管家軟件去整理,花了一天時間將一年收支完成,我投資收益可以支付我日常生活費,星加坡投資同短抄溢利我沒有計算,可以說我財務自由之路巳經完成,我用了八年時間達到,來年我目標是財務自由加強版,那需要美國新總統上位才對應投資,祝大家來年更加努力。



2016年12月25日星期日

財務自由之後

我早前在書店看到一本書,我當時有時間,就即場看看。作者到現在都未知道是什麼人,可能是台灣人,說他先後破產三次,第一次揮霍過度,第二次做生意管理不善,職員穿櫃桶底,第三次好像胡亂投資,終於意識自己失敗,出書告訴世人得到財富未必陪你終老,有機會因爲你出錯而失去。我首先覺得作者應該是個有能力的人,才可以破產三次,不然破產一次難以翻身,我認為一定要投資自己讓自己成為有用的人,作者提出不要輕易信任人,都係人心難測,要小心進食,買有營養食材人變得聰明而不會下錯決定,食平野有機會食到唔負責任的加工食品,輸了健康,每日運動同晚上不要超過輕點睡,可以減少醫療費用,睇下睇下覺得有道理,醫病費用無得預算,他都有投資,都是一句低買高賣,好像不太堅持長期投資,總之記住低買高賣,好少理財會這麼全面,我同時發覺財務自由書籍方向有改變,轉了財富之後,我現在都有現金流,怎樣長流不息都是一種學問!

2016年12月17日星期六

樓市境況

我很少講樓市,現在我都不會講買樓,我兩年前一個稅貸供多一個月就完成,自美國量化寬鬆我都低息借貸去投資,最近我做了一個分期買星加坡Reits,息率不到兩厘,所以我都不打算再申請稅貸,現在美國都加息0.25厘,來年特朗普上任加息步伐會加快,因為佢政網會將錢投放實體經濟,到時通漲一定會來臨,香港明年怎都會跟隨,我知道9成按揭是不少人做,以450萬的樓我巳經取個細銀碼,大家都計到400萬係要供,加多一厘一年要多付40000,每一個月要多付過3000元利息,加一厘可以在一兩年有可能發生,我想加人工都無可能加到這麼多,仲要層樓供30年啊!其實一厘係好少,我阿媽話你按揭點還,靠份工?我話我借係投資回報高過利息,當然靠打工無可能還清,可能以為我借好多,錯我借係我層樓市價三成到,但靠工資我起碼還到75歲,所以高樓價買樓的人我真擔心,買樓價離哂地,可能有人話會加人工,係現今社會工種越來越少,年年畢業都好多新力軍仲好平,學歷高又年輕,點同人爭!但你層樓要供30年,所以我在兩年前賣出租樓,我賣係我認為我唔會俾這個價買,我去買Reits,收息回報好過租樓以我買入405越秀房託,我個買入價約收7.5厘,我巳收兩年息,將錢又投入高息股,我想不用10年我可以取回買入價,變相供斷,呢批405係我賣樓賺價一部分的錢,還有其他公用股,今年我收息對比前一年多了50%,我當然有執過投資組合將高息比例提高,但我低息增長股友邦比例都高,我打算將來好價賣一部分去還按揭,未來收息都可以還一些,我會跟隨未來香港加息貼住行來還錢,我阿媽以為我會還到75歲,我一向都無這個想法,這幾年上樓真希望特朗普係作大唔會大幅加息,否則影響大,大家可能高樓價是政府供應不足,其實美國量化都是影響因素,另外是股市,點解關股市事,因為香港港元同美元掛鈎,理論股市同樓都應該升,但傻了是樓價而不是股市,我睇回我2008年入市恆指是21000點,今日是幾多好像是近22000點經歷8年時間怎解,我自住樓都升了3倍,何解股市一潭死水,因為有沽空機制,樓市無得沽空,大莊家利用這個特點一直舞高弄低,正常人都唔會攞積蓄來跟莊家玩,結果都去買樓保值!我巳經打了預防針,莊家舞高弄低我試過可以幾十萬上落,大眾點受到咁chok?我可以係高價減持低價買入來賺差價,只要自己很清楚自己買股票是否值得?一時掩眼法係唔會挑我心智,只要有留心大股東近年不斷回購自己股息行為就知道係又平又靚,所以我一直借平錢入貨。

2016年12月13日星期二

石油股

早前買入中石油, 減產兜兜轉轉, 好似大家都達成減產協議, 雖然量不大, 但都係開始了, 我不是上回以前高位沽出, 因為可能性不大, 有20%都會沽出, 事關無息收, 不是長期持有股. 只睇油價上落!

2016年12月12日星期一

台灣是一隻棋子?

美國新總統利用中國弱點台灣來玩死中國, 我都估不到台灣肯做棋, 台灣追求獨立是否真正獨立? 從歷史上日本都曾經是美國棋子, 結果任由擺佈, 日本呢20年經濟問題就是正正這原因, 現在都未擺脫惡運, 一日係棋, 一世都係棋, 祝她好運!

2016年12月8日星期四

買入南方A50

近來留意上海A靜靜地起革命, 我昨天加今天分別入貨, 人仔貶值上海就開始升, 如果能上回去年價, 我都會短抄離場.

友邦價值重見

呢排友邦因為銀聯咭事件而影響股價, 我個人從未見過會因為俾不到錢買不到東西, 賣方識做生意一定會想到, 人仔還在貶值, 加上國內保險條款不好, 令到國內中產人數幾何級上, 我真不擔心, 我組合友邦佔好大比重, 佢息率差令到我現金流不夠, 不過我仍然都增持, 保險是人生一出世都會買的東西, 直到死亡. 只要保險公司質素好, 不會無生意. 我預了要持有很長時間, 耐性最重要.

2016年12月5日星期一

悶局

昨天深港通開了, 沒有大突破, 意料中事, 意大利假黑天鵝, 今個月美國加息似乎成數很大, 我現在都要等到明年, 今個月基金都年結, 變化不大, 買收息股是我未來指標, 離退休似遠非遠, 機會留俾有準備的人.

2016年11月30日星期三

調整REits

早前Reits跌了好多, 我都買了一些, 昨天收到星加坡Reits股息, 下個月收敏華股息, 希望做到月月都收到股息. 個稅貸很快供完, 仲考慮再借來投資, 又可以靈活處理, 我隻星加坡供一年, 年期同金額都不大, 我想盡快種滿果園.

2016年11月27日星期日

退休朋友

昨天同即將退休朋友去了一個下午餐自助餐,可以談數小時,從事金融朋友不是達退休年紀,係提早退休,由於是從業金融,買賣股票要上報,程序繁瑣,所以持股不多,完成工作後我建議佢買入收息股收股息生活,如果靠缸儲水好牙煙,通漲眨走哂金錢。

昨天下午出門天氣突變,我有一件著了好幾年外棉衣,手臂位都磨破,打算今年買過件,我到平時買開衫店買件褸,我真想不到一件褸竟3000元,日本貨, 打了折都2000元,你看金錢何價!如果仲靠老本過活,我怕捱唔到死那天,今日去市場買菜,菜都接近20元斤,100元買得好少,去超市一次500元走不了,沒有不斷水源支撐,怎過像樣的生活?

看到政府推出錢家有道,是否可以解決香港市民財務問題?

2016年11月23日星期三

入貨

昨天入了貨, 未知是否好時機? 入了敏華實業, 我該叫增持, 另外再入置富房地產信託, 再加盈富基金, 買了不少. 通常Reits我都不放, 將來退休用.

2016年11月14日星期一

學習思維

昨晚飯聚都是圍繞特朗普的未來施政, 都係靠估, 無人會知道佢政網會落實幾多? 基建會令美國加快通漲, 加息不再慢, 想想溫家寶的基建產生通漲, 我們可以在歷史預測未來, 所以我老師都好少俾號碼, 係教怎樣思維, 一個因會產出什麼果? 有些不明白要去搵資料, 互聯網巳經令到知識很CHEAP, 我個人學習這種思維近10年, 我覺得行少很多錯路, 我還是運用不夠好, 多加努力!

2016年11月13日星期日

十一月飯局

明天又是每月跟老師飯聚,今次話題唔離開深港通同美國新總統的投資方向,其實講投資真有很多話題,一向老師睇事件都有前瞻性,憑一件事出現引發後結果,聽說美國共和黨靠石油起家,所以未來石油價會升,美國大搞基建,銅鈇石油有很大需求,我都入了中石油,因為現在油價都是低位,呢支股票我預一年半載才收成,剛入少少友邦,如果再跌再入,我上次過50元放少少,因為我都持有不少,撥小小短抄,保持市場觸覺。

2016年11月10日星期四

短抄

昨天將盈富基金放了, 執了少少, 今日低位入友邦, 見佢消息淡化, 現在回升, 又有得執下, 早前中銀香港最近又升, 我等30元, 收過一次息, 個市現在短抄好玩, 跳彈床!

2016年11月8日星期二

掃2800

今日都知好波動, 跌到500點入2800, 再在低位定價, 擺了幾個價, 一路掃, 留彈等這個時刻!

2016年11月6日星期日

瘋狂樓市

近來我感覺通漲真大, 去一去超市500元泡湯, 我出世500元可以買樓, 我現在不是很大, 都仲未到立法退休年紀, 我越來越覺得可以改70-75退休, 因為不是這樣, 政府要花很多錢在每3人有一個退休人, 種種令到樓市再度瘋狂, 我覺得今次招數像很勁, 但我覺得都未必令樓市降溫, 我相信大家都認為印銀紙是很容易的事, 無論我地幾努力工作12小時, 博升上幾級都追不到, 我現在都不清楚現在通漲洪流能撐多久? 即使我巳經投資在對抗通漲股票上, 但食物通漲比較難, 偏偏現在最嚴重是食物, 我是否要買塊田地去種菜同薯仔, 蕃薯, 先可以抗到? 

2016年10月31日星期一

短期橫桿

在5年前我開始在銀行申請稅貸, 有兩個原因,第一可以建立一個良好借貸記錄, 方便日後有大投資容易借同低息, 第二可以強迫自己增加資產, 不會花多, 通常我會借未來一年收息, 假如你還有工作, 這樣確保你一定放在投資內, 借了我會買入收息工具, 債劵是不能抗通漲, 因為一張3年債劵當10美金, 3年你都是取回10萬美金加息, 通常穩定企業出債劵都不太高, 另外投放有資產或公用股票, 這類通常隨著通漲行, 政府每年公佈通漲我實在懷疑, 市面同民生有關又豈止3%? 劏房升幅都相比前升一倍, 相對10年一間劏房2000元, 現在要4000元起碼, 菜由幾元升到十多元, 如果菜要合 政府通漲率你要放工去執賣剩菜, 仲要同人爭!

這兩種投資各有捧場客, 我偏愛房地產信託, 如果經濟不好, 租金降, 我相信我生活費都會下降! 我將借來資金提早一兩年投放, 還可以多收一兩年息差, 通常稅貸息率是固定, 是有數圍, 所以相對穩定, 這是我玩了起碼5年方法, 效果不俗! 

短期資金不多,還錢都是一兩年, 是培養執行力一個不錯方法.

2016年10月30日星期日

短期借貸

係低息年代, 按揭套現再投資巳經不是新鮮事, 當然不能說沒風險, 但樓現在普通都值4百萬, 如果4百萬只居住都幾昂貴生活費, 現在一些財務知識要跟身, 因為佔你人生很重要, 處理得好, 生活愉快, 煩少很多,可以多點精神放在其他上, 如果無物業, 短期借貸, 倒如稅貸都是不錯, 有人認為借短期不合長期投資, 其實係錯, 我數年都用稅貸來增長我投資組合, 運作都好暢順, 即使經歷去年大時代, 下期會講我操作.

2016年10月29日星期六

保險災難

最近人仔眨值,走資嚴重,剛公佈唔可以碌有投資成份的保險,星期一真保險災難,但巳經買了要年年供,以後怎付款?還有可以走資來買樓,又唔知點防止?國內來買保險唔影響民生,抄貴樓影響港人買樓,又唔見唔可以落香港買樓,國內又嚴打買國內樓搞到落香港買,講真如果付款困難而不購保險,我從未聽會有付錢難,我相信保險有對策應付到今次災難!保險不一定只做國內人,其實國內買保險比例唔高,我知道國內人買保險唔止走資而國內保險條件差,即係產品唔吸引。

國內經濟出現問題,解決能力弱,電力,石油,樓房樣樣管,談什麼開放呢!

2016年10月27日星期四

再談豐樹基金

我前天買入這基金, 買法同買樓一樣, 先定了入幾多, 我自己入54000股, 30%首期約10萬, 貸款率1.88%, 供12期, 每個月我估計供2萬, 今日係0405越秀房託付息, 我打算用這筆錢供, 都供到數個月, 30%係我之前短抄賺回來, 包括新鴻基, 新世界, 港交所, 嘉華國際等, 成本約30萬, 昨夜呢隻豐樹基金公佈業績, 雖然比上次少, 應該支出大同又一城戲院停租半年, 我估計下次應該好轉, 至於匯率, 我以港元計, 因為0405都是收港紙, 匯率好複雜, 我都是選簡單些, 全期利息約數千, 因為證劵行未出到個供款表, 這項投資是錢滾錢, 再滾錢, 因為我暫時不需要用到息, 可能問為什麼我不一次過付, 個借息率連私人貸款都做不到, 留彈藥再尋找下一個投資項目.

在低息年代, 用槓桿會行得快, 只要投資得宜都可以好放心!

2016年10月26日星期三

星加坡reits

昨天證劵戶口完成, 隨即買入星加坡Reits, 用7成按揭分期付款,變相都達到過10厘效果, 每月供款, 似供樓一樣, 年期一年, 供完成批股票屬於我, 利厘都好平, 平過私人借, 像儲錢一樣, 今日呢隻公佈業績, 接到俾埋息, 好像賺了時間. 呢隻擁有又一城, 我成日都去, 太古未賣又一城我都入太古, 直至賣了又一城後就放, 終於我又買回.

2016年10月25日星期二

增持中石油

昨天中石油回了, 我再增持, 相信油價會升, 當然不會很快出現, 因為減產效應不會即時看到, 相信在明年, 想不到人民幣會跌得咁快, 那國內又出現來港買樓, 買保險, 我不太明白樓價咁升, 可以保到值, 保險都可以取回兼保障, 股票反而現在市盈率都合理, 買入優質公司不停替你增值, 當然上上落落不穩定是人天性不喜歡!

2016年10月23日星期日

直債+Reits

有blogger用直債加reits將回報達到過10厘回報, 不過入場都要10萬美金, 因為直債要10萬到20萬美金, 這是保本加債息, 如果公司無違約到期可以取回本金, 相對股票來說, 風險低, 但只賺到債息, 將債劵再融資70% 來購買reits, 借款利息約2厘, 假如債劵同reits息率各7厘, 再減去2厘, 12回報是肯定, 兩個組合風險偏低, 我覺得都可行, 當然要操作感受下, 不過本金比較大, 不是一般人可以做到, 我投資在友邦股票兩三年都是20%, 短抄博20%不是無可能, 係要好貼市同睇得準, 我過去買新鴻基,新世界同嘉華確有過20%回報, 都是脫歐令加息機會降低形成, 好彩指數都有, 港燈同香港電訊信託都是早期低價買, 到現在這兩隻是港燈回報比較好, 達到60%, 香港電訊估計10%, 我是否改試直債加reits? 因為現在港股這水平買唔落手.

2016年10月20日星期四

颱風買東西理論

昨天一早掛了一號風球, 預期今日會上8號風球, 一號風球沒有帶來壞天氣, 收工我選擇小巴回家, 因為我有一個穩定空間, 地鈇是連站都不由自主, 我往小巴站一定會經過一間水果店, 最近日本有隻叫香印青提, 是一隻帶有桂花香味, 清甜提子, 我非常喜愛, 價錢約200元500G, 很貴! 我一向團購會平幾十元, 昨晚一向賣200元青提降價到130元, 這是我從未買過的價錢, 團購都165元, 而且都很新鮮, 我想都不用想買下, 店主說因打風不想變壞, 全損失, 索性賣平些取回成本, 我當然不信只取回成本價, 只是賺小利. 從今次買東西事件套到投資又如何? 投資者一定要很清楚股票正常價格, 同股票公司賺錢能力, 市場出現錯價, 你就會很有信心買入, 到回到平常價, 可以賺一筆差價, 當然會很清楚出現錯價情況是短暫.

早前股神巴菲特在石油最低價投資, 我記得老師說過石油成本價約20多元, 當時油價約30元股神就出手, 我一向少跟進石油, 經過這次股神出手, 我清楚買賣石油股的要點, 石油股很清楚知道成本價, 一些公司就不易看出, 通常以持有資產, 負債多少同賺錢能力去估值, 我相信股神有一套估值標準, 有人話估值是一種藝術, 每個人看價值是不同, 所以一直沒一個準則去處理估值問題,

2016年10月18日星期二

竟然調整完

昨天似乎反彈, 還不少, 應該調整完畢!  散戶都過40%, 市場有散戶開始玩股票, 港股通流入2%, 應該不是國內人買貨,  股票巳經比前活起來, 睇埋今日情況如何! 但成交量交不足.

2016年10月17日星期一

等待

在24000點止步,回了1000點, 應該進入調整, 今次會調到什麼點? 上次由28000點回到19000點, 約30%,  初步我認為不會太大, 初步看22500, 到時再決定, 做投機組合, 要好貼市, 想不到老師睇25000點都不到, 正常12點市盈率都不到, 實在意外!

2016年10月13日星期四

調整期

昨天泓富果然否決了觀點中心, 剛經過一句到尾買了都要執, 因為有一間熟食店, 呢間店好生意, 做早餐那段時間都好好搵!

恆指近期都下跌了1000點, 我估計有機會再往下, 下一個睇22600, 我都走了一部份散抄留現金, 我從寫blog開始, 調整都試數次, 我覺得有點心得, 專欄作者陸羽仁曾經講可以兩個組合, 一個投資的我, 另一個投機的我, 看最後誰可以領先, 我將投機的我在一個交易費低的戶口運作, 投資的我完全不動. 我將會以一百萬作為我啟動基金, 我會在這處寫下我的操作!

2016年10月12日星期三

0808泓富

昨天是泓富開會表決是否買入觀點中心, 我最近先知地點是觀點中心, 我都去過食午飯, 地點都好近地鈇, 我估計買入泓富應該會提升中心, 現在個層次普通, 執完可提升租金, 不過到現在反對比較多, 估計都未必通過, 報道說長實地產提出反對, 趙國雄同時兩間公司有職務, 怪不得缺席大會, 在泓富趙國雄無可能不知個交易, 主席喎! 但換到長實地產又提出反對, 覺得很奇怪! 長實地產佢係董事, 是不是內部權力問題? 如果反對成功, 可以回購我又非常贊成, 講到尾股東利益最重要!

2016年10月8日星期六

窮查理的普通常識

我趁今次假期請多日自製4天假, 想好好休息! 通常假期我會補充養份, 行過書店睇見窮查理的普通常識, 誰是窮查理? 就是巴菲特背後的工作partner, 說真巴菲特財富不只數不盡的金錢, 還有與他風雨同路的拍檔, 查理不會跟他爭, 非常低調, 又可以合作無間, 神級同步, 世間難求!

今天我會開始reading, 係我投資組合誰是我比較期待的股, 就是中銀航空租賃, 因為是我自己親手選, 不是老師叫, 近期佢推介中石油同兌洲煤, 我只投資中石油, 自己用腦選, 當然比較上心, 這證明我是否學有所得!

2016年10月6日星期四

順著走

油達成減產協議, 打算入中石油, 因為最差時期過去, 未必去到之前個位, 離最頂有一段距離, 食住個時機行一轉!

中銀航空租賃都有起色, 我有時間搵佢資料, 佢在2013年都是排行第九, 今年上到第五位, 有中銀大水喉射住, 因為航空講交易億億聲, 無水點得? 最近有個航空租賃放盤, 好多公司去爭, 不用懷疑佢有無錢搵, 好像誠哥有入股日本航空租賃都去競爭, 誠哥還讓三公子李嘉誠基金會一齊入股, 可以差得去邊! 預期航空租賃未來5年會有一翻.

2016年10月3日星期一

休養生息

呢排無咩買賣, 書都少睇, 會留意下自己股票消息, 最近係0808泓富被股東抗議買入即將成交觀塘物業, 大概是怕加息, 回報不太大而負債增加, 我印象中泓富負債率一向低, 無記錯係不過30%, 增加物業會加大發展, 呢類基金都會一段時間買入發展, 無可否認現在物業市場價係貴, 但到加息物業價會回落, 都是相對論, 我都保持中立, 買不買都可以, 12號會開股東大會做決定, 我經銀行買無得參與.

2016年9月29日星期四

友邦保險

友邦在10月份出第三季業績, 所以近日股價有支持, 仲同保誠爭百萬圓桌NO.1 做零售業最重要市場排名, 好像我到新店試食物, 我通常睇其他枱什麼菜最多人叫, 我會跟住叫, 好少出錯, 所以保險鬥餐死, 百萬圓桌會員人數多, 即是代表公司多營業額, 做會員要取得過百萬營業額或commission, 邊個我不太記得, 總之不容易!

2016年9月27日星期二

留子彈

似乎市場沒什麼大事件, 未來加息會實現, 因為太長低利率或負利率會出現問題, 所以未來不會入貨, 增加子彈, 當加息時有資金執好野, 大家可能會認為太早, 儲兩年彈藥差不多啦!

2016年9月26日星期一

面臨調整

上星期尾將短抄股票泊入0808泓富, 免被調整沖擊, 在恆指成份股一定有不少調整, 美國大選加國慶假, 知道波動很大, 今早新聞全是負面消息, 畢竟都升了4000點, 點都要回下氣, 核心組合依然不變!

2016年9月25日星期日

樓價

自從政府出招, 好多買樓都用家, 星期六, 日在家附近竟然有連租約盤, 昨晚中原地產說300呎樓買家不是用家, 而投資客, 好多都認為投資現在係有風險, 原來買家覺得不介意印花稅, 反影銀紙又貶值, 感覺都恐佈! 最近股市又不錯, 帶動樓市向好, 其實大家有關係, 但年底加息不弱, 未來幾個月都要睇定些.

2016年9月23日星期五

睇住港股通額度

家下個市好波動, 因為美國即將大選, 加息9月唔發生, 12月發生都好高, 仲要睇住港股通額度流量, 星期五超賣大過超買, 來緊估計都有機會, 因為10月國慶要休息, 調整會出現!

2016年9月21日星期三

加息前波動大

昨天都預期9月不會加息, 但年底前一定加一次, 主要不是加息有條件, 是維護美元, 美國一定要保持美元領頭地位, 其實加息是遲早的事, 明年跟2018年加息步會加快, 如果年底加息0.25%, 香港不跟隨, 息差去到0.5%, 會令到資金加快流走, 遲早港元都要跟, 地產風光日子很快完結, 政府那三招都沒有辦法壓樓價, 見現在仲追樓的人實在大風險, 我都會減少地產股, 轉戰港交所同中銀香港, 未來三個月波動一定大, 都要慢慢觀望, 我同時都會在明年加快還供款, 雖然比率不大, 但加按套現賺息差應該會過去的

2016年9月20日星期二

敏華實業

我在假期中有一天留在家中, 最佳是上網, 在google stock screener輸入數據, 數次不同規則都出現敏華, 當然我輸入良好指標, 我記起一個投資同學講起敏華, 這同學都是做傢具, 大家是同行, 結果敏華做起了, 言語間中有酸味啦!

星期一小注入敏華, 兩天間都在上升, 我將來趁回再增加, 一句就是基本功好!

2016年9月18日星期日

9月份

9月份對於我都幾重要, 因為係我出世的月份, 還要我農歷生日正是中秋節, 所以我對中秋節這節日非常有感情! 今年願望是身體健康, 世界和平, 投資順利, 我在未入5前巳經財務自由去到基本水平, 下一個希望到達中和水平, 這水平是比基層生活上一點, 達到我想買東西可以不用度可以買到, 至於上些希望買到一層優質樓, 而現住改收租, 呢層留在發夢先有, 中層會比較有希望達到!

2016年9月16日星期五

抽新股

中國郵政儲備銀行在香港上市, 我一直想在市場買還是抽股, 因為很多時市場買平過抽股, 不過我決定用少少資金去抽, 這銀行同內銀不同, 主要對象是中小企, 銀行上市後股息會保持利潤的一成, 現在想股價穩定, 一定要好息! 因為無息的日子未知幾時止! 美國一日前話加息降溫, 昨晚話通漲升0.1%, 即是通漲率0.3%, 又話要加息, 我讀經濟時通漲起碼3%樓上先調控, 0.3%學咩人講加息, 香港通漲都起碼4%, 都要跟美國無得自己話調控, 現在樓市又復活, 眼見很多人高價追樓, 睇見都牙煙, 同打工仔工資都唔配合, 我們國家人仔在處於貶值狀態, 大量人仔經港股通進港, 家下股市無泡泡, 買股都算平, 來緊11月深港通開行, 國家又開通內險可以買港股, 又大量資金進香港, 有人說國內不想樓市升完再升, 所以排洪到香港, 釋放資金南下, 港股就算唔升大跌機會都唔大, 持有優質股票好過買樓收租, 咁多新樓要出租, 租金唔會升可能跌, 股票股息年年都差不多, 但有股息可以再買股加大現金流, 樓收了租要供樓, 我覺得新樓咁好賣, 一定用按揭, 6成到9成不等, 股票現金買, 無槓桿, 我雖然有槓桿, 但佔我總資產都不過15%, 相對健康, 何解咁多人都持樓不持股, 只有一個原因, 股票可以沽空, 樓無得沽空, 股票波動很大, 很多人買股都是買號碼, 實質不了解, 公司做咩生意都未知, 輸錢唔好賴股票唔好,係自己無知!


2016年9月13日星期二

假如特朗普當選

假如美國特朗普當選, 很多人預期會加息, 我覺得加息不是壞事, 起碼可以壓下通漲, 我見現在美國穩定了, 但未見通漲加大, 基本是很低, 根本構不成加息, 我覺得係大幅, 溫和地加可以, 因為無人知企業是否接受? 加可以走回正常, 但正如我所講出現反效果, 會出現通縮, 歷史上經驗通縮慘過通漲, 所以耶倫對加息好小心, 好肯定加0.25%不會出問題, 通縮會出現簫條, 100當中有機會超過20人無工作, 接著連鎖效果經濟收縮, 到時要救就很難, 無10年都起不了身, 很多人取這些來做賭注, 引起波動!

美國加息香港要跟隨, 不然成為弱點被攻, 現在不停摸頂買樓實在危險! 

2016年9月12日星期一

三點走鬼

昨天早上跌, 都未影響我, 到下午3點都令我在計算由初到現在升6000點,決定減持, 將173放了, 昨天都是除淨日, 由買到現在表現一般, 如果調整有機會回4元, 都係賺了少少先, 遲些4元下再入, 新世界同港交所放了一部份, 轉增持中銀香港, 昨夜加息又降溫, 美國整天狼來了, 但今日港股通休息, 今星期都無港股通, 估計個市都淡, 這個浪令我放鬆表現差的股, 賺了近6位數字差價, 補貼表現差股票, 即使美國加息, 我都會堅持405等reits, 我希望加入新成員0808.

2016年9月10日星期六

趕上尾班車中銀香港

上星期我會繼續再工作多一年, 原來留了一筆錢作生活費, 現在巳不需要留太多, 來緊我都有不少股息, 我記得老師都推介過中銀香港, 我趁未除淨入了, 買入巳經再升上, 感覺不錯! 講番老師不停硬銷港交所, 我在190前入了5手, 星期五破了200大關, 都是感覺不錯, 中保監上星期通過內險投資港股通, 初步會有1700億進入香港股市, 我計過港股通每日是105億交易, 如果用盡港股通即是要超過16日才進完, 正常都唔會用到盡, 上星期五用剩42%成交過1000億, 當然啦, 港股通不是只內險股進入, 還有基金, 民間等等, 恒生指數市盈率現在都未超過11倍, 以內地股市這是很便宜, 我相信未來應該一片榮景! 我想起2007年抄直通車, 直通車概念抄起港股超過30000點, 總理溫家寶叫停直通車,股市急挫, 加上美國次按爆煲, 火燒迷你債, 有人說股市是殺人地方, 當年埋了不少屍骨, 2016年下半年近中秋佳節, 這直通車隨著11月SDR, 內地人仔走出世界, 這部曾經是概念現在正式啟行, 接近10年, 我曾經上課時老師講概念抄是一時, 功效不是一段短時間會顯示, 接近10年, 港人幾乎忘記直通車, 現在正式開來香港, 再走出世界, 突然我覺得很感概, 一些人巳經不在世上,
當年留下概念股還在世上, 至於我, 在這黃金10年, 搭上夢想號去追求財務自由旅程, 如果我不追求太多, 財務自由算到目的地了, 我游上岸了.

2016年9月6日星期二

勞力士投資

我每天上班都經過商場, 一間周大福正在裝修中, 大大勞力士廣告板圍著店鋪, 我想起有人說人生要有一隻勞力士手表, 當你三衰六旺時救你一命, 再遠時代是一條好粗金鍊, 後來金價低迷, 勞力士代替金的地位, 這不是笑話, 是真的事實, 我有個朋友都是這樣渡過難關, 賣一隻表過10萬, 什麼可以重頭來過! 如果我們應用在股票, 找一隻保值股票, 都有相同效果, 反之平時可以給你股息, 價值連連升, 比金鍊同勞力士更好, 他們平時只是戴出來威風, 沒有現金流! 

2016年9月4日星期日

小精靈大牛

大家有無感覺大牛小精靈出沒, 我見到大牛黑影, 未現身, 我相信落多些香氛佢會現真身, 希望大家捉到大牛小精靈, 仲要捉多些將佢變牛一, 牛二, 牛三喎!

2016年9月3日星期六

9月份新組合

全新組合, 是睇完股神給散戶的9個忠告後成立

投資10隻, 有專利權, 護城河同現金流穩定

友邦保險 1299 28.85
越秀房產信託基金 405 37.72
港燈電力投資-SS 2638 2.41
香港中華煤氣 3 2.91
香港電訊─ S S 6823 3.64
香港交易所 388 3.15
新世界發展 17 2.42
中銀航空租賃 2588 6.71
嘉華國際 173 2.15
載通 62 5.04
Cash 5.01
    100.00

正在關注中電, 中海物業

會維持到年結業績後再檢討, 希望今後每年檢討一次!

2016年8月31日星期三

付出與收入

我相信努力會取得相應回報, 我這些年睇了幾十年投資書, 參考別人方式, 我信三人行必有我師, 從多角度去了解事情, 減低股票風險, 我開始會下中期業績報告看, 同時都會睇埋我沒有手持但有興趣了解企業, 這是我現在一直訓練的, 股神都說了解越多, 風險越少, 出錯機會少, 就心安理得, 我會趁半年業績調整我組合, 大約在10隻左右, 下次出埋新組合!

2016年8月30日星期二

天涯若比鄰

早兩日中銀,飛機租賃出了中期業績, 結果比我想像中好, 我決定加持, 換馬, 每次出業績我都會執一執組合, 如果變酸我會剔

除增強組合成長, 好像恆指每年都檢討一樣, 很多報告都未有

間去睇, 不過點都要抽時間去睇, 畢竟影響我下半生是否生活得

好有關!

2016年8月27日星期六

陳年普洱投資學


本人幾年前愛上飲茶, 由很普通飲到陳年普洱, 品味隨著歲月不斷提升, 老普洱一餅比黃金貴, 還要難求! 同大家分享下做茶的學問, 採茶後經過一些工序, 焙乾, 有些熟普是人工加工加快發酵, 通常一年巳完成, 發酵好的茶唔會傷胃, 順喉, 回甘, 那些價值連城的普洱一定不會熟普, 而是由生變熟, 經過幾十年自然轉化, 一塊好普洱一定由選茶葉開始, 無好茶葉經過幾十年都哂氣, 最後淡然無味, 嚴重虧損, 找到好茶葉將他收藏好, 唔可以係潮濕天氣打開佢, 約5年一個轉化, 過20年巳不錯, 每過一年價值又提升, 到了20年後品他, 享受他帶俾你樂趣, 回味無窮!

從我所講製茶的過程, 將他放在我們投資上, 是否有異曲同音之妙? 套用在投資上, 我們選好股票, 其實好茶葉不容易分辨, 要有經驗高手, 對茶很了解, 當選好就要好好收藏, 就像公司管理層, 要好好管理這茶葉, 經過長時間發酵, 得到價值連城的茶餅, 同樣我們得到好股的回報!

這樣投資是否跟股神一樣? 我們可以從生活找到真理!

2016年8月26日星期五

天下第一倉

很多年前在一本雜誌有一位東尼投資者開百萬倉, 我當時一直有追看, 我在想是否可以做到, 每星期像連續劇一樣, 我在想我能有個百萬倉真好, 我後來記得個倉升了7倍, 作者後來因病將個倉轉另一個投資者, 我看了數期巳沒有興趣, 天下第一倉同原創者有一種特別關係, 主人離開了, 百萬倉像失去靈魂, 感覺不一樣, 東尼我非常欣賞, 他離世都令我傷感, 我最後真為自己建了一個百萬倉, 為了個倉勞心勞力, 像親生仔一樣照顧, 見到佢成長很開心, 同時我經驗豐盛, 心智比前更穩定, 今日見到個倉穩步上揚, 我都不打算再增持, 比較舒服, 將息放在一個不容易提款的戶口, 等待機會!

2016年8月24日星期三

越秀房地產

這兩天我核心股越秀房地產信託出現異動, 很少會一日升咁多, 呢隻我打算穩定收息, 想不到佢穩步上揚, 昨天仲衝過5元, 以有限REITS來計, 算係慢, 其他本地房託升上很多, 我數年之前投資過778置富, 賺了不錯差價, 放了, 現在相當後悔, 比我入升超過一倍, 實在非常後悔, 所以今次受到教訓, 呢隻點都長渣, 最值得安慰係近8厘息率入, 以後再加息率, 我可以提升息率, 希望佢還有更大發展空間, 買多些靚商廈, 等我下半世無憂!

2016年8月22日星期一

嘉華國際

昨天嘉華國際出了一個非常不錯業績, 雖然股價跌, 似乎有不錯業績都是跌回, 點都好, 我投資公司, 前景不俗, 我都會持有, 仲希望增加持有, 呂志和傳我看過, 很欣賞這位生意人, 所以我一直留意銀河, 後來老師提到嘉華國際, 發覺不錯, 於是買入, 這隻股長期低, 折讓好大, 2016業績會令到市盈率同資產淨值更大折讓, 所以有機會再增加數量!

2016年8月21日星期日

打工是奴隸制

係一個blogger提及打工是奴隸制, 突然有感而發, 最近有個同事辭職, 主管挽留她, 佢講番主管點講, 主管的話: 我地教了好多野俾你, 現在話不做? 你有時準時收工我都無話你! 我聽完心內好火滾, 教好多野, 就是將幾個人工作交俾同事, 還有陳年豬頭骨工作, 不想做俾我同事, 那幾個人日日在開會, 無所事事, 這是我親眼見, 整組人最忙是我同事, 還有我地遲到要扣錢, 點解準時收工是有問題, 要俾你教訓呢? 其實打工是奴隸我很早巳意識到, 不然我都不會開始投資, 轉做小股東, 足足捱接近10年, 換來有尊嚴的生活, 我從來不是望好富貴, 只是想要回自由同尊嚴, 在老一輩覺得我不務正業, 發白日夢, 抄股票想發達, 不在工作努力, 在公平工作環境我不介意做奴隸, 但不公平遇到十之八九, 所以我要自由, 財務自由!

2016年8月19日星期五

股票虛實論

最近有些股票息率達8厘, 甚至10厘, 他們不是息率提升, 而是股價低殘, 講下我曾經有貨或現持有, 曾經有匯豐, 息率達8厘, 我朋友80元, 60元都有買過, 近來試過45元, 但因為回購關係, 股價上揚, 當然跟朋友購入還有一段距離, 另一隻是華能電力, 我買時息率過10厘, 來緊會馬上收股息, 但股價不能回到我購入價, 我入價相當低, 因為10元都有人有, 原因是因為國內政治問題, 要壓通漲, 由此大家知道電同通漲有關,香港就有電力利潤管制,不會讓電力公司多賺, 只可以合理回報, 但我仍然覺得可以伴你老的股票, 因為賺不到議定回報可以加價, 有什麼公司可以有保證不蝕穩賺? 只要有一個不利消息引發低價, 不妨唔怕買, 買完伴你老, 每一支股票都有虛實, 不會有完美股票, 當有些因素影響股價, 而影響是一段短時期, 可以購入等消息消化了股價可以回到正常.

2016年8月16日星期二

深港通

當我收工到旺角做天灸, 收到老師說深港通批了, 昨晚飯局仲講深港通, 隨即朋友又通知我, 深港通影響都大, 我這一兩天動作換手將成年都不動的股票, 平價放了入戴通, 增加了少少, 做了點變動, 似乎後面很睇好, 結果如何個組合都唔會大改變, 起碼國企股有好轉, 當深港通正式開通再算, 要在12月, 9點港交所會開記者會再詳細講, 對於我地持倉影響都唔大, 係抄期指期權就緊張, 我都無本事估恆指怎走! 所以玩期指期權唔係我杯茶, 我目標是價值投資, 巴菲特是我學習對象, 我覺得港股好窄, 可以符合價值投資都不多, 首要我要減低股票種類, 要在國內找, 如果找不到最好買A50ETF, 買起大市, 唔使選錯股, 巴菲特說買什麼股是非常有難度, 幾時買我覺得唔難, 持有後堅持長期都不易, 最後保持心理質素, 持有起碼五至十年, 要經歷起起跌跌, 單一隻友邦全世界都話好, 佢表現反而不及騰信, 友邦我持有都數年, 浮浮沉沉, 我現在無哂感覺, 不太理會了!

2016年8月13日星期六

寫blog三個月感想

我好認真接觸股票應該是最近一兩年, 因為我投入資金多了, 睇好多書, 仲去番學, 多了同道中人, 因為投資人都好孤單, 我一個朋友都應該係, 因為追到佢水準, get到佢講咩我估計都唔慌多, 佢幾乎日日whatapp我吹水, 多了一個老師, 我估計佢不是財演, 雖然佢在很多報章雜誌寫文出書, 當然佢成9位數字身家, 佢無必要賺這些錢, 佢係癮大, 捉到好股有滿足感,  到我離開舊公司工作壓力大減, 有時間寫下blog, 同去八下人家的經驗. 我大概寫了三個月, 我邊寫邊投資, 睇到自己問題, 去改善下, 我現在下一個目標都是從生活找, 但由香港轉到國內13億人口, 我開始留意汽車股, 我都提過我前老板憑長城汽車爆升股, 佢都持有很多年, 經歷過最差, 係接近高位沽出, 令我好envy! 我好想搵到一隻咁樣的股票, 不是為錢是為了我努力下成績! 我會留意吉利汽車或長城汽車! 

投資快與慢

有人問投資買樓快還是買股票快? 我都係用股神所講, 買什麼樓或股票? 什麼時候買? 其實投資就是這樣簡單? 如果在樓市低潮時買入地鈇沿線的屋, 用時間等就無得輸, 低未必係最低點買到, 但買完夠能力守是重點, 如果筆錢要一年就用唔好諗, 起碼筆錢可以等3年到5年, 樓放比較煩, 通常都唔會隨便賣, 時間一耐回報比股票高, 因為股票比較易放, 上網按個掣就拜拜嘞! 選股就很複雜, 樓要用投資者好少會唔識選優質樓, 但股票要睇就相當多, 我一向建議從生活去找, 再去睇公司穩唔穩健, 通常投資者投資股票要開始留意經濟, 政策, 息路向, 公司業績等等, 時間都唔難, 低潮一定感覺到, 是否最低點唔重要, 從來無人可以知道? 係入貨覺得舒服, 要等當然要有息, 唔難捱, 選對股票像上了馬力十足車, 會行得很快, 這樣會快過樓.

如果好想投資股票但又唔想花太多時間在收集資料, 最好從生活入手, 公用股, 有口啤龍頭股, 人人唔會變心的股票, 指數等,
穩陣又唔浪費時間, 可以做自己喜歡的事!

2016年8月11日星期四

生活投資組合

我生活投資組合欠煤氣未公佈業績, 我估計應該無咩大改變, 但年年10送1, 變相都有股息增長, 其他成員都有股息增長, 雖然我未靠這批股息對沖生活費, 但我開始這組合是測試這組合是否對抗通漲, 過一年半, 每次股息都有增長, 令我信心大增, 我將友邦歸增長組合, 其他成員有中銀租賃, 暫時這兩隻股票先, 我生活組合今日增加多一位新成員, 繼華能後加一名猛將就是戴通, 我會分幾次加入, 因為我係20元睇住升, 見還有5厘息趕加入, 不然不用入, 九巴我心儀很久, 等極都唔跌, 除了這兩個組合, 我要再建立多一個組合, 是恒指虛實組合, 會跟恆指走, 是一個中短程組合, 股神都有永恆組合, 同時都有一些變動組合, 他都放過中石油, 應該有買股都有印象, 今日國企終於有起動, 國企看起來沒太難看, 我個倉仲要整理, 金句變幻才是永恆!

2016年8月8日星期一

書中自有黃金屋

昨天介紹了股神給散戶的9個忠告, 我看了兩天未看完, 我看書都快架, 但呢類要思考慢好多, 要消化! 今日個市又升幾百點, 見到個倉數字很靚, 還未收息, 如果國企股回到買入點, 那就完美!
我從數年前22000點到2015年28000點, 再由28000點撻落到18000點, 我覺得係熊市, 但我無賣股, 相反仲收息再買股, 到現在又升上22500左右, 這個V型波幅, 是我第一次經歷, 我以前買股是在牛2入很快走, 發一筆小財就散水, 所以整個波幅未經歷過, 當我將投資當成長期事業, 巳經知道要面對牛熊市, 只不過會一年內見盡是夠意思, 仲要有人陪我走過, 除了我朋友,就是我老師, 我在文章識了他很多年, 到他提早退休出來開班授徒, 對我是一個機會認識他, 過去數年我看過很多作者的書, 真正有經歷該是老師, 我覺得做得老師一定要有閱歷, 今次在過程中不斷指引我們前行, 如果我一個人遇到熊市真心慌, 過去一年感覺更深, 但他用經驗不斷指導我們, 終於走出困境, 到今天成績, 需然學費很貴, 數堂達5位數字, 但我還是覺得值得, 有一個有20年投資經驗, 見盡很多狀況, 大家可能覺得4堂教到你, 係我們武術界有個金句, 真傳一張紙, 假傳萬段書, 應用在投資都是一樣, 最重要是重點, 接著切切實實走一場, 一路上不斷修正同改善, 人與人之間存在緣份, 在我全身投資會出現一個人, 說真他是可以舒舒服服退休, 還開什麼班? 教了那麼多年, 他說想將他經驗傳出去, 證明他方式是好的.

2016年8月6日星期六

開卷有益

























昨天到誠品書店. 行書店都是我興趣之一, 看到上面那本書, 我係散戶, 睇下股神有什麼忠告?
昨晚很有趣味地溫書, 我發覺股神投資很簡單, 言簡意駭, 在我咁多年投資, 特別最近, 我個倉除了國企股其他回報都很好, 我甚至生活投資成效更大, 以衣, 食, 住, 行為目的地更理想, 對比股神投資股票組合, 佢投資在人必會用, 不會隨時變心, 持續有現金流, 經過時間洗禮, 樣樣都過20年, 好像10隻左右, 重拳出擊, 長期持有,佢選股係全世界都買, 像可口可樂, 我現在投資在港人必需品, 對象是700多萬人口,收租股405在國內市場, 我選佢因為國內房產空間還很大, 香港地產不是沒有, 我都選新世界發展, 我這兩天低價再購回, 新世界剛私有新世界中國, 我同樣擁有國內地產, 嘉華國際都是以國內地產為主, 我開始轉購國內13億人口必需品, 我還加入華能電力, 電力不會外求, 但比較失色是國家控制, 不然是一隻好股, 我親友都曾經揚言這隻可收息過世, 佢入貨價很貴, 我入價是大低水, 不排除再加持, 國內人生活用品都是來港買, 對自己生產都無興趣, 因為品質問題, 剛有豬肉出問題, 手機用apple, 我看來要開始物色美國股, 產品行全球, 不再花時間在國內選股, 對國情又不熟, 唔出錯可以A50ETF, 最穩陣, 我都有, 還有中國人壽, 因為國內最多人用保險, 友邦是亞洲保險, 做亞洲人口都不錯, 亞洲正在富裕中. 我現在不打算再放股, 耐心等待, 可能大家覺得本書改變我, 我不否認, 所以我喜歡閱讀.







2016年8月4日星期四

英國減息

本來預期早前減息的英國, 竟然失驚無神昨晚減息, 相信美國加息機會更低,環視世界, 歐洲, 日本, 美國, 澳洲等全面近零息, 中國算是息率好, 不過業績期顯示國內企業都不是太好, 我相信國內都要落藥, 國內之所以不再量化, 是怕刺激通漲, 一量化國內資產又再漲, 但不量化有企業會再下行, 在全國都採取量化來防通縮, 事實上通縮比通漲更可怕, 會導致失業率上升, 經濟陷入冰河時期, 這從歷史上曾經發生過, 投資如果認識歷史, 可以令到眼光看遠一點, 事件理性一點, 因為所有事都是一個循環, 輪流轉, 幾多重轉, 命運中各自隨遇.......

2016年8月3日星期三

0405越秀房地產信託

昨晚知道越秀息又再增加, 如果人仔不貶, 肯定更理想, 我預期下半年人仔都穩定, 到11月份加入SDR, 對人仔更理想. 越秀在各面管理得好好, 優化物業, 降融資成本, 在一個報導上海新買物業原來上海交易所未來會搬到附近, 對加租非常正面, 今晚股價迫近歷史頂位, 未來再尋找物業投資, 國內加租還是有空間, 是我賣收租物業轉投放在這隻股票, 果然沒有令我失望.

我另一隻剛進902華能電力, 利潤下降了, 不過每股盈利0.41人仔, 根據以往會取50%作為息, 下半年用電一定多,  起碼0.41人仔息應該不變, 轉港紙都超過10厘, 但奇怪股價一直受壓, 我睇番A股市價過7元, 我覺得港人對國內信心都差, 國人同港人對國內電力股有咁大差異, 難怪一直意見不斷, 作為國內一隻公用股我會再持有, 我係國人我會透過港股通落香港買, 平成一倍, 收過10厘, 點解在國內買貴貨呢?

2016年8月1日星期一

偷得浮生半日閒

今早起身仍然掛8號風球, 應該可以有半天假期, 沖了一杯咖啡,上來寫下網誌, 睇下投資書, 我打算會再增持嘉華國際, 就算唔起都有4厘多收, 進可攻退可守, 中電業績都唔錯, 可惜太貴現在入唔化算, 加入監視名單, 等時機, 最大時機就是同政府商討利潤管制, 好老實電力投放大, 如果利潤率太低, 誰有興趣投資, 9.9%我覺得接受, 這些年電力都保持良好質素, 難道大家想好像國內, 整天停電嗎? 

如果近日留意新聞, 機管局興建第三條跑道, 沒有咨詢公眾, 自己籌到錢即刻動工, 點解咁急? 大家有沒有留意發盈喜中國租賃, 盈利半年升一倍, 還有我持有中銀, 這類租賃近年上市集資, 一直大家不知有這類公司存在, 因為未來航空有強勁增長, 紛紛上市集資擴張版圖, 睇機局唔等趕動工就知前景亮麗, 所以我會不斷加持, 成為友邦後另一隻長線投資股票, 很多大孖沙都加入了, 雖然中銀以38倍市盈率上市, 但我會趁低吸納.

追貨

上星期五早上增持嘉華國際, 補新世界發展, 想不到真係咁強, 似乎有機會上23000點, 我老師仲睇24000點, 好樂觀! 好可惜食唔到下午個跌勢, 係香港好像睇唔到價值投資, 我曾經有想過係股票再深入鑽研, 我相信將一件事做得細緻是有收鑊, 因為我在股市花了好幾年時間, 不如再放多時間去理解, 搵出股神投資心法, 現在都是跟個勢行先, 國內盈警不斷, 恆指不斷強, 連收息我都沒時間看, 見BLOG友玩股票期權, 我有個朋友教過我, 好可惜番工無可能睇市, 不可以專心, 最近有個親友個女兒, 對我工作朝九晚六零興趣, 鐘意freelance, 還想開戶口買股票外匯, 想了解投資, 我認為佢投入股海咁困身, 建議佢跟盈富基金, 當恆指市盈率落到10倍下, 買2800, 升到過10倍上就放, 我計過一定過百分之十, 每個浪都食到過10%波幅, 唔使花大量時間做功課, 又不用做基本功, 自由自在, 我有時都覺得自己唔咁做, 來緊留一筆資金試下這方法, 開多條線運作.



2016年7月30日星期六

股市是否有人造色素?

上星期中我減持一部份短線股票, 在這里很多人問我何解? 我說股市很快回潮, 星期五跌了數百點, 唔好以為我是生神仙, 我只不過參考牛熊証資料, 可能大市會回幾百點後又升過, 但我又唔想買貨又跌回, 我情願後面補回, 好像最後很多國內保險出盈警, 不知星期一又如何? 現在看大戶行動, 想不到大戶挾過千點都激不起散戶進場, 會不會再挾上千點呢? 又說回友邦, 我老師都出文說友邦雖然盈利倒退, 但保險不是看盈利, 是看新業務增長, 說相當不錯, 但績後股價一路落, 不過我持有數年, 剛過去一年如果用短抄方法, 我走幾回巳有不錯回報, 咁講我是否懷疑價值投資, 我有時都會看股神手上股票, 如果套用在香港可行嗎? 我發現股神手上可口可樂, 是全球暢銷汽水, 還有其他, 如果我持有港交所, 港燈,煤氣等對象只是香港居民, 那滾存就有問題, 應該唔會很大, 當然我係簡單, 這種方法將來可能有幾倍增長, 我巳經生活無憂, 如果要達到股神投資要走出香港, 畢竟香港只7百萬多人口, 看現在基建我覺得過千萬人都有可能, 我要找出國內億億聲人口都需求的生意,李嘉誠都走出歐洲, 我最近都入了嘉華國際, 嘉華是地產股, 但主力不是在香港, 最多地是國內, 因為我要億億聲人口的需求, 我曾經有想過套回現金入0808, 係香港商廈收租, 都升了不少, 得5厘多, 嘉華有4厘多, 我在想嘉華土地國內不少, 就國內盈警不斷, 中央應該要採取行動, 放水救經濟, 那土地又再增值, 現在嘉華資產淨值都過7元, 雖然係慢, 最新年報有訪問問股價大落後, 集團怎睇法? 答案是市場問題, 佢地只做好自己公司, 睇年報嘉華不只地產, 有收租, 酒店, 飲食今日先知百分百餐廳係佢,還持有銀河少少股份, 呢隻要慢慢等, 將來有無機會入恆指成份股?

投資的需要

話說我一個同事不知何事隻手指腫起來, 我印象中佢早前都有這情況, 但最近惡化了, 我說是否捉小精靈? 捽機太多勞損, 佢話工作勞損, 佢問題又不是這幾天, 只是更惡化, 見她睇很多醫生都無好轉, 現在注射類固醇等幾天是否好轉, 不然要動手術了, 我都是最近因為工作, 有工種要拆文件, 令到我舊患肩部, 巳經痛了一些日子, 每晚都用按摩油按摩, 不過都沒改善, 現在轉用消炎藥搽患處, 我舊患都是積勞下來, 之前在前公司發了出來, 一年都沒復發, 現在轉工就再發出來, 人是會老, 機能會退下, 當初就是害怕手停口停的情況出現, 從而細想下去投資, 我本身不是發錢寒, 是工作工資都不能達到保持退休生活質素, 工作大半生晚年要落得每天計算過日子, 那太可悲了.

我開始投資都沒想到今天, 走到負利率, 高通漲, 應該是說像日本星期五那量化, 日本沒有再減息, 是一些國家都不減息, 再量化都是一潭死水, 反而更惡化, 都好肯定未來加息機會更少, 錢放銀行很低息, 通漲率高過存款利息, 有些股票都有3至4厘息,如果捉到低位入可以更高息, 那要自己努力, 加上平時精打細算, 儘量在家開飯, 健康很多, 又節省開支, 東西需要替換才買, 保持簡約生活加上投資現金流, 未來退休生活更保障, 我覺得如果現金流但大消費都是不行, 要投資加簡約生活才行.

2016年7月27日星期三

散貨離場

今早見牛熊比例出現一面倒, 倒向牛多73% 加上今日期指結算
友邦咁好成績都無好下場, 正如陸羽仁話落袋先真錢, 我今早沽走新世界發展, 同匯豐, 連之前新鴻基賺了不錯%我都幾滿意, 其實呢段日子所升根本不是很多散戶進場, 成交同升都不配合, 所以我短抄那部份都係睇市走, 長線組合不變, 港燈坐完過山車都沒有放, 收息股就是收息, 不會又買又賣, 套回一筆錢等下一個機會

若會再升我都會沽不是長期組合的股票, 特別是國企股!

2016年7月26日星期二

期指結算

明天期指結算, 踏入8月是否一片榮景好難講, 畢竟現在不是散戶主導, 而大戶推高所至, 睇成交量就知!

友邦明公佈業績, 大行預期有增長但利潤倒退, 我想起即是有GDP增長但盈利沒跟上, 到現在我都不太清楚保險運作, 什麼新業務增長, 我所理解是新客戶新保險單, 舊客繼續每年付費, 通常都好少轉, 因為會蝕, 內涵價值是什麼? 上去search睇完都不太明白, 我只知股神巴菲特很早買錯公司, 佢說應該買保險公司,我老師都說保險好賺錢, 連李超人個公子都買保險公司即是現在富衛保險, 點都好作為我重倉股我都堅持下去, 如果息率好我一定持有, 友邦連續好幾年都有過20%增長, 理論應該非常不俗, 何解股價沒動力, 以現在恆指應該過50元, 希望在明天, 我會一早打開電視等業績, 友邦是早上出報告.

2016年7月25日星期一

寵物小精靈

昨天6823香港電訊信託基金又上了, 我都有點奇怪, 原來是隻小精靈作怪, 我個同事中午有玩, 要開住GPS, 要好多數據, 怪不得電訊升, 這股熱潮可以去到幾遠? 我只覺得在街注視手機好危險, 實地是一種電玩新體驗, 其實這類電訊都被視為公用股, 現金牛, 有回調可以再加持, 會不會有這機會, 一定有, 之前大摩唱衰電訊是跌得好殘, 機會常在, 是睇你是否勤力去留意, 去鑽研啦!

2016年7月24日星期日

換股

今日將新鴻基地產放了, 賺了超過20%, 同時我進入173嘉華國際, 呂志和是我很欣賞企業家, 一直想過澳門銀河住一兩晚, 應該很快成行, 因為我入了嘉華國際, 他同時持有銀河股份, 市帳率0.53, 息率達4厘, 我只投入買新鴻基金額, 利潤留下來!

同新鴻基同時買入新世界我保留, 我睇好佢明年尖東重建商廈, 收租和味!

買樓與買股票

有人說買樓是投資活動認同嗎? 因為住是一種消費行為, 可以租唔一定買, 住公屋一向是租, 往後都不會買樓, 因為太便宜, 公屋租金同我交管理費差不多價錢, 根本無動力買樓, 不如享受人生, 就算後來你收入大增, 都唔會趕你走, 交雙倍租, 雙倍租都比租私樓便宜, 但香港環境造就高樓價, 地少是主因, 所以買樓自住比其他地方多了保值, 買樓這投資基於自住, 所以唔會買買賣賣, 長遠除著通漲價格會上升, 但股票太容易出入, 加上要識找優質股票才有價值, 所以在N年有個投資家巴菲特師父有價值投資, 影響後世人, 巴菲特更將他師父理念再仔細, 有護城河, 即是不會被其他企業取代, 加長期產生現金流, 在香港我認為煤氣, 港交所, 電力同香港電訊, 香港電訊的確有其他對手, 但我用過哂電訊最終我只選香港電訊, 因為很穩定, 不論家居電話, 固網同手機通訊其他無得比, 即使較貴都俾! 這些股票好像買樓長期持有最終跑勝通漲, 8號仔曾經是港人很穩定藍籌股, 隨著電訊牌開放, 最後變成慘痛投資, 但開放後質素競爭, 又爭回市場佔有率,香港電訊信託基金分拆出來股價一路上, 我在6元買買賣賣幾回, 最終在csl回歸香港電訊在10元一直持有, 以後都不會打算賣. 其他消費股因為有同業競爭, 達不到價值投資, 或者在該行業有領先龍頭地位, 地產有新鴻基, 不過佢不是我長期持有股, 因為只要留意下佢上落波動很大, 在低位入高價放會回報更大, 港交所周期性很大, 一定要低潮入, 以後唔放都不打緊. 不過最近長期持有可以加入reits物業收租股, 呢類股係長期持有收租, 都是抗通漲優質股.

2016年7月23日星期六

高處不勝寒

昨晚演唱會好好睇! 回到家都12點多, 睡覺都一點, 好耐未試過咁夜睡, 今日都寫唔到野, 早上檢查完牙, 終於完成維修, 個醫生仲教我刷牙,原來一直都錯! 大家如果將這件事去到投資, 可能我地認為對的原來是錯, 又或者係我地對而其他人錯, 好像我地儲股票收息, 我地將股票係資產, 別人又不是這樣想, 當然係好公司才是資產可以產生現金流, 怎選好股票? 要自己努力從政策宏觀, 最近英國脫歐, 令到美國加息機會少, 可能要放水, 英國一直表示影響不大, 但投資者最怕不穩定, 所以多少都有影響, 應該下半年會浮現, 結果令到股市上升, 朋友今日問我還會再升嗎? 我說過22000點機會大, 如果好像我老師可以去到去年28000點我有保留, 我想星期五巳經有人放股, 跌200點以為升完, 28000我覺得難是國內股市無配合到, 現在還是低成交, 係大戶挾上去, 這樣估計實在太煩, 我都會睇下股價才決定去留, 業績等, 假如再扯上去, 真有高處不勝寒之感!

再下一層睇行業, 什麼行業當道? 現在銀行同零售有機會倒退, 有現金流公用股, REITS, 電訊股當道, 真係幾差環境都要用, 穩定. 樓賣個滿堂紅, 地產股好景, 如果經濟好, 零售股會好, 還有製造業, 再下一層就是公司管理層, 公司管理層好會將公司走向光明, 這層可以大公司, 可以小規模.

最後很重要就是買入價, 一定要夠折讓, 就算貴但預期有倍增長都唔怕貴入, 這時侯好野才貴!

早前講中海物業最近盈喜, 我一直覺得貴, 市盈率達超30
倍, 確認中信物業deal, 現在抄起我唔會入, 等回我會入同加入長期持有組, 這類要長期持有不是用來短抄!

2016年7月21日星期四

中期業績

今日未能企穩22000點, 後市如何? 下星期展開公佈中期業績, 有港燈同友邦, 友邦新業務一定有增長, 盈利很難說, 老師就話睇好佢, 不過我可以說佢在呢個時勢仲有增長巳經算不錯, 家下大家最怕增長減慢, 港燈我估計都係咁上下, 不會有驚喜, 是欠收幾多息, 下個月我都有息收, 應該來緊幾個月都有息收, 半年期我新成員匯豐, 新鴻基,新世界,華能, 中銀飛機租賃, 想不到半年加入咁多新成員, 今次睇年報睇到頭暈, 我有公司在手都會跟年報, 我做會計, 識都不睇蝕錢自己攞來, 我現在睇緊永嘉跌穿1.20再與你談談情,說說愛! 今晚我會放鬆下去盧國沾演唱會, 先到我喜歡王加沙食飯, 再落紅磡體育館, 大家有個快樂星期五!

2016年7月20日星期三

合理市盈率

22000-25000點是合理市盈率,個倉現出不錯的回報, 今早個朋友問我沽匯豐, 我們在脫歐公投前買, 結果跌眼鏡, 差不多回到買價, 我手上不多, 放同不放影響不大, 真有23000點到時放還有利錢, 幾弱恆指升佢點都要升, 我老師今日文章說就是這點, 他給我感覺是這股跟恆指升, 而不是被過度低估有前景而保留, 真令人感慨, 我自問同佢欠緣份, 我在去年左右70元入過, 買入跌68,
最後 好像72元放, 今日到50元都不容易, 還有45元出現, 他感覺越買越跌, 不像新鴻基同新世界那麼舒服, 時間又夾, 他們都超過20%回報, 等一個更好價錢先考慮放出, 我現在對股票投資有另一番看法, 隨勢走, 有現金流長期持有, 一年跟恆指都有20%回報, 很不錯, 爆升股隨緣啦!

2016年7月19日星期二

405越秀房地產信託

昨天405破頂, 睇過我舊文都知呢隻是我核心股之一, 亦是我倉最重成份, 其實他在reits算升得慢, 原因應該是國內商廈而不是香港, 信心問題, 我前公司老板在深圳都有商廈收租, 回報很高, 405持有都是優質商廈, 我認為領展可以在國內買商廈收租, 為何405不來港買商廈收租, 我好肯定佢股價會更好, 畢竟港人對港商廈有信心, 佢阿媽入創興銀行, 借錢絕對不成問題, 現在很多內地企業入港商廈, 佢點解咁執輸?

2016年7月16日星期六

從生活出發的投資

今日首先講下衣服, 香港是輸入型城市, 我們很多日常生活用品都是進口, 過去香港製衣業為香港帶來很光景日子, 小時候我家庭晚上會剪線頭邊看電視, 很克儉勤力, 我畢業出來都是從事製衣業, 製衣業主要代工模式, 不涉及設計, 設計都海外負責, 買家會將設計品讓廠家做辦, 完成樣辦會做路演落單, 全盛時期做款式很簡單, 大量訂單供應全球, 現在是幾百款, 每款幾千到一萬, 一年兩季, 10多年前香港將工廠部份轉國內, 接單管理仍然在香港負責, 國內隨著發展現在巳不能有世界工廠這名號, 有能力港商轉戰到越南,柬浦塞等國家, 有這能力公司有我們之前提過永嘉, 去年巳成功轉地生產, 結了一間國內廠房, 所以我一向好睇好佢呢個代工部份, 永嘉亦同時發展零售, 剛遇到零售寒冬, 這是我比較擔心部份, 還有香港實行填鴨教學, 創意一直都缺, 所以沒有辦法有自己品牌, 不能像歐洲擁有傑出品牌, 日本這方面都強過香港, 香港應該發展創意工業, 才有轉機!

說回服裝過去有利豐同環球思捷, 他們都曾經在恆指成份股出現, 利豐還在, 不過退色很多, 服裝有大量上訂單是搵到錢, 沒有訂基本設備工人都是每個月要支出, 所以低潮都好甘, 現今全世界都有沒增長而有機會收縮情況, 衣服需求會差點, 現在有網購成衣, 都是品牌勁對手, 衣服真有貴著, 平有平著, 經濟唔好又通漲, 衣服可以買少或選平價貨, 像我這樣, 會重品質多過款式, 因為我唔鐘意一過時就唔要製造癈物, 同希望耐用, 應該品牌守品質這關可以保持生意額, 我做開大品牌佢地都清楚這點, 守得非常嚴格.

大家看到這里, 對是否投資服裝股應該有一定看法, 有閒錢唔等使可以入這類股, 因為很多息率都不俗, 堡獅龍, 永嘉同互太息率都不錯, 環境好轉會賺埋股價.

2016年7月15日星期五

累積的哲學 資產vis什物

今日星期六, 不用上班, 昨晚同工人姐姐說不用太早起床, 但今早都很早起來準備早餐, 自請她照顧家人, 打理家務我變得無所事事, 今日我終於找到一份工作, 就是執什物, 因為佢唔會處理這些事, 我最多什物是書, 從太極到投資工具書, 太極書早巳入膠箱, 因為體會上身最後身體力行, 持之以恆, 投資書都是一樣, 知識上身, 工具都係擺埋一邊, 我這些年買了很多投資工具書, 無一百都過五十, 一段時間都會清理一些, 最近一年兩三本, 當處理這些物件我會想起當初用幾多錢買, 感到肉痛, 夠買一手股票, 隨即我會安慰自己, 這些書令我賺了不少錢, 太極令我學會健康同放鬆, 克服我投資時起跌, 好阿Q精神, 當執衣服鞋什物就真係一時衝動, 要時時買那一刻不要衝動, 如果理智的話, 又可以入幾手股票, 轉到我們投資時, 就要相反不斷累積優質股, 係優質股唔係神仙股, 仲要越多越好, 現金流更大, 令到足夠生活支出, 獲得自由!

根據股神的價值投資, 要獨市, 要有現金流, 是人們要消費的股票, 最簡單從生活入手, 電, 煤誰不需要, 港交所是獨市, 當大跌時可以入,其他消費一定入龍頭股, 因為當人們要消費就即刻想起佢, 可口可樂就是一例, 電訊要選大, 因為有條件更新,像香港電訊, 最近超過12元, 我入時都是10元, 我幾年前6元都入過, 都是賺了沽出, 這隻股真是一路向上, 特別收購csl後, 所以現在功夫上身一定唔放, 我發現煤氣表現差了, 老師說因為現在起細單位是不能用煤氣, 用電的, 我真係唔講都唔知, 不過我認為佢係獨市, 都係要用的, 有多餘現金流會再加持, 十送一都不錯, 煤氣要比較長時間才見功力, 一點都不擔心, 港燈比我入升45% 還未計收息率, 地產股最近紅, 但我覺得周期性大, 息率不太吸引, 我多數短線發展, 金融股是近期最不能掂的股, 從上一篇借錢, 仲咁低息都打不動我, 借完仲縛三年, 現在自己現金流強, 看來緊又公佈業績, 來緊又有很多現金流, 有些除淨等8月份收息, 連 1.80厘都慳埋啦! 金融賺息差, 咁窄點會有增長? 今次恆指成份股金融股不是升很多, 主力地產股, 所以我直覺恆指升極都有限, 領展中電現在無人敢買, 實在太高!

2016年7月14日星期四

借平錢增投資倉

這兩天很多銀行找我, 借錢, 包括建行, 恆生, 中銀, 以恆生最平息率1.8厘, 直覺好抵, 有一筆錢可以運用, 1.8厘絕對賺得到, 同時可以看出香港嚴重水浸, 銀行股暫時不要入, 息差咁窄點生存? 現在個市升是因為水太多加負利率, 這情況真令人擔心, 水多會有很大波動, 不努力 投資怎應付通漲? 我朋友昨天問我中午食個午飯幾錢, 我說55元, 佢又問是什麼質素, 我說很普通餐廳, 茶檔都要45元, 再好60-80不等, 佢話我太貴, 我心想咁都叫貴, 我話不求味道只飽肚都要35元仲要拎走, 不能堂食, 搭埋車一日都要100元, 這是通漲影響, 金錢鍾意印就可以印, 要幾多救目前問題就印幾多, 再惡化再印, 感覺是否很恐佈呢? 但它正在發生緊......

21000後現升浪

正如老師講21000點穩定後面會很順, 希望是這樣, 未來無得入貨, 見到個倉靚仔, 都好開心! 今次真展開一場升浪, 我財務自由又行前, 由樓轉戰股市, 股票除了核心不賣, 其他都會賣, 得來資金再等機會, 有人問我樓市同股市那個最賺錢, 我認為是股市, 樓市周期很長, 一生人不是有幾回, 股票如果精, 可以食盡長期, 中期同短期, 波動位, 是比較辛苦, 但為了這目標, 你會好進取每日留意經濟路向, 投資方法, 同不斷吐故納新, 無形中增加很多知識同心態發展, 真是不是錢可以買到, 是長時間浸出來, 以後遇到任何情況都會從容處理, 是不一樣學習旅程!

2016年7月12日星期二

綠城服務

之前提過抽新股綠城服務, 結果我抽幾多俾幾多, 因為蘿底橙無人要, 我都不多, 我仲以為肯定跌破招股價, 因為暗盤價跌, 誰料今日入十大升幅, 同翠如BB股拍住上, 這隻股發生咩事? 股權太集中, 老師話上得十大升幅都係妖股, 我在想反正不多, 睇下你點妖法, 如果像翠如BB股又不錯, 我成日想搵隻倍升股, 呢隻不會是我人生第一隻倍升股, 我想的倍升股票不是這樣!

終於突破了21000點, 但是否穩? 好像比之前穩企, 有無力再上就不清楚, 反正現階段我都不會入貨, 正如我朋友睇23000點我要放一些貨, 今日見到高息股回了, 散戶可能沽高息股轉入高回報的股息, 市場有幾多長期價值投資者, 因為股市數年都是波動中, 離我開始投資22000點都仲欠700點, 但我手上股票價都是升, 除了國企股, 反影手上不是弱股, 在恆指弱都是內銀, 資源多, 強都是地產同公用股, 我記得有個財經人陸羽仁提到順勢概念, 我係都市日報會睇下佢文章, 覺得佢是另一門投資者, 鄧小平金句, 黑貓白貓都是貓, 會捉老鼠就是好貓!

2016年7月9日星期六

迷你倉事件

這些天發生迷你倉火災, 最近長沙灣又出現一宗, 呢個不是倉,是劏房, 聽說因為住宅劏房租金都達4000-5000, 所以多人去租工廈劏房, 反影香港居住未認真解決, 其實這情景政府不知道, 我覺得知道係唔想理, 因為要管制這批人會再度燃起居住問題未解決, 現在樓價是穩下來, 不是跌, 都要過萬元一呎, 那是一個普通人工資, 如果中位500呎即是要500-550萬, 即是要做550個月來供, 條數係錯, 我地未計利息, 除12個月, 即要供45年, 即係20歲出來工作, 做到65歲退休, 那太恐佈, 現在稱樓奴, 難怪社會多不滿, 二萬元一個月都要一半供樓, 事實工資不到二萬大有人在, 迷你倉不是住人, 是住物件, 我覺得港人有錢, 什物要租倉, 放得倉都不會常用, 為何要買咁多東西, 又浪費金錢, 我購物都是需要品, 而且要求品質, 因為我不太喜歡垃圾, 衣服都是不多, 我有敏感, 處理衣服會令我不適, 所以一季都是夠替換, 冬天都是一樣, 很少地方巳夠, 其他我儘量少, 因為樓唔大只可以需要,要我花錢租倉不可能, 但偏偏迷你倉遍地開花, 剛火災昌發工廈內很多迷你倉, 只是事發不是迷你倉, 那很好運如果是倉全部什物真有排燒, 還有助長商人發財, 又不合規格, 商人覺得物件不是人命唔會顧及安全, 結果係消防員不幸, 唔救又唔得, 造成悲劇破碎家庭, 請大家買東西前要想清楚, 特別是想財務自由, 買少些巳經可以加快, 因為你生活不需要太多, 準備錢可以降低, 我因為學太極令我幾年無時間行公司, 一度少了很多無謂野, 今個月太熱, 我都少出街, 落平台花園練下拳, 不用開冷氣, 活動身體又環保, 對嗎?

2016年7月8日星期五

香港生活, 工作, 投資, 退休感想

我對於退休準備始於10年前, 通常都會發生身體力不從心, 感覺大不如前開始, 那時警號係心中彈出, 我當時開始思量這問題, 計算自己的工資, 由於自己學歷有限, 談什麼前程似錦, 當時我開始睇i money, 老師有次介紹一本富爸爸, 窮爸爸的書, 我在書局買不到, 最後在圖書館借, 看完起碼我自己知道工資不夠退休, 其實我出來做野不久我家人巳買了樓, 當時用了國內親友託在港收息的錢一次付錢買, 我阿媽當時都好大膽, 我地一家人用幾年時間儲錢連息還回俾親友, 整個過程是完全不知道, 接著我地用幾年時間儲錢做了裝修, 其實層樓跟我差不多年記, 再後期我們只需要應付生活費, 而阿媽都開始退休了, 那時她都得到一場病, 我覺得係佢長期壓力下釋放出來, 我當時很擔心, 結果可能夠時間而佢開始在公園練民間太極慢慢好轉起來, 捱過了, 退休取回一筆不多的錢, 當時生活水平低而利率高, 生活是可以, 我後期儲錢都快了, 因為不用供樓, 當時我好喜歡買外幣賺息賺價, 每月息都夠生活, 隨著美國次按出現, 金錢不再有價值, 我都開始少了外幣投資, 老一輩還未醒覺蝕了錢, 我一直儲錢直到開始退休念頭出來, 2006年次按端頭出來, 美國不斷減息, 我在2006年將舊樓賣出換了5年樓, 自己補差價, 那是我全部身家, 裝修都不夠錢, 層樓新咗設備都足夠, 有對流窗可以採光, 我們只需要晚上開燈,  總之重新做人一樣, 2008年開始按樓投資生涯, 現在係錢無價值而資產有現金流重要, 同我剛出來做事係完全相反, 現在
社會要津貼我們上一代生活費, 那是最基本, 隨著2元津貼令長者肯走出社會,那兩千多長生津基本不夠, 獨居長者更甚, 大家是否發覺我們努力工作大半生, 晚年都不夠退休, 我們這一代努力做樓奴, 到退休時樓都老, 業主都老有能力保持生活質素, 換樓不用想, 因為你無收入, 年老都做不到樓按, 做到都無錢還, 我退休念頭遲, 但我一直有儲錢習慣, 勉強達到半退休水準, 我有些朋友覺得足夠, 但現在景況看來只達到一半, 因為我都沒想過貶值通漲又長又猛烈, 所以不應說夠, 刻下穩住生活費, 即是生活對沖, 我用405當自己還要交租, 將來換樓大維修用的, 因為有工作現金流可以再找增長股, 友邦就是增長股, 佢需然貴, 但市場有什麼有前景, 有增長又穩陣的股, 好股點會平? 我還努力找新經濟股, 我在奇怪經濟有新舊之分, 不是對應民生需要? 但這類股太熟欠增長動力, 我覺得電訊股有增長, 每年畢業生投身社會對手機沒需求, 有人工還不升值? 樓建多電煤都多了需求, 但這類股要股災先會平, 我入生活對沖股是當時佔領中環入, 除了煤氣, 其他有不錯升幅, 我這一年轉工面對很多年輕人, 他們對工作熱誠是沒有, 只想少做, 因為多做加班沒錢, 對前景沒什麼希望, 有些家境不錯, 唔做都不緊張, 在家父母會供應, 最近有個同事轉了組工作多了, 晚晚都8點半, 佢家人問佢點解咁夜? 同事話加班, 父母話咁傻無錢仲加班? 我都好奇佢點答? 佢話無出聲, 話有次想俾信唔做? 我話你剛開始新工作, 可能未熟, 佢話前面同事係老手, 我8點半走佢都未走, 仲要攞回家做, 我當場無出聲, 我只好說做多一個月睇下點, 唔得先唔做, 我巳經帮了他一個月, 我合約未滿仲係度, 唔得我可以帮手, 我覺得中層說他們能力低, 父母慣養佢地, 唔知點教細路? 我都唔知講咩好, 究竟邊個問題? 佢地更沒想退休, 因為自己這年紀都無想, 佢地好在有強積金出來工作即供, 夠時間去滾, 至於與我年紀差不遠但有學歷有牌會計師朋友, 最近搵我取投資經驗, 佢話工作壓力大, 下面唔聽話, 唔準時交貨, 最近得三高, 我話你好高薪, 佢話父母跟他太太不合, 要分兩頭家, 佢要負起供父母, 所以唔係多, 佢兩公婆都是高薪, 我想佢地供完樓, 無小朋友, 電視講人生唔煩呢兩樣可以好寫意, 似乎又唔係, 可能無小朋友, 將來老靠自己, 好可惜, 會計師不見得投資叻, 我叫佢睇年報投資, 佢做上市公司會計難唔到佢, 佢可能做呢行厭呢行, 我叫佢慢慢來, 見盡咁多情況, 在香港可以點生活呢? 

2016年7月7日星期四

地產股

近期地產股升得不錯, 我手上新鴻基地產超過10%回報, 新世界比較慢, 因為脫歐而令到美國加息降低, 資產又重回升軌, 如果回報更理想我會沽出, 新鴻基我不是第一次入, 佢出紅股那時期我記得超過100元入, 今日我可以88元再入, 現在很多人討論香港經濟是舊經濟, 還依靠地產, 金融, 這兩個項目佔恆指接近50%水平, 所以不太看好,事實香港搵到錢確樓, 金融居功不少, 早幾年還有零售, 現在零售都萎縮了, 要找一些新經濟有增長的股票才有希望, 新世界折讓很大, 資產淨值都19玩, 弱是無很講, 要放多些時間落去啦!

2016年7月5日星期二

21000點止步

昨天又不能在21000點站穩,我留意這情況發生數次,所以我決定收息都不入貨,原因係可能市場認為來緊業績會大倒退,到時21000點市盈率不是低點,可能變不便宜。 但手上的組合暫時不改變,畢竟除了近期入,其他都持有超過一年,最差都捱過無需要動,大家一定奇怪我著重這個點,因為企穩這個點以後會好景,這是我看法,昨晚同老師吃飯,提到港股通餘額很少,表示國內大媽透過港股通入香港,這情況我都留意了幾天,莊家不會太做淡,很易夾死,不要輕視大媽的力量,現在情況很難看清楚,我組合都不算少,增貨都是不很多,反而留下現金做兩手準備吧!

2016年7月4日星期一

21000企得穩?

今晚同老師吃飯, 我們定期飯局聊下現下情況, 今日見佢在報章提及本港地產股會再上, 我手上剛入新鴻基同新世界應該有運行, 佢形容是新的升浪, 我眼見上了21000點很快回頭, 當然企得穩有力上22000點, 我個人認為好睇國內股市, 佢在底部橫行一段幾長時間, 是時候有機會向上或向下, 向上當然利好本港股市, 今晚話題是L型經濟, 希望在飯局中得到新啟示. 最近地鈇表現, 老師之前叫我地買, 當時36元未收特別息, 不聽話走寶, 佢最近講入本港地產股, 今次聽話入了, 做了聽話學生!

2016年7月3日星期日

投資心態要耐性

最近有網友出博文講價值投資, 價值投資要有高度耐性, 最少都10年, 我現在收到股息都會再落去投資, 不過我會比較短線, 長線我是不會賣, 如果不是發生脫歐, 預期加息微, 我公用同信託基金不會破52周高位, 國內股都未平手, 成個組合結果平手, 國企指數還在低位, 睇怕有排等! 

別人常說價值投資在香港衍生橫行要有更長耐性, 我直覺比我想像中更長, 我都要同自己講要堅持下去, 期間短期線可以減去等待枯燥, 我最近入新鴻基同新世界開始有收成, 我看21000點企穩, 可以睇下22000點, 所以我都觀望下, 呢兩隻會公佈未期業績, 應該值得再坐一會.

2016年7月1日星期五

抽新股

綠城最近分拆綠色服務, 我今次決定去抽新股, 因為我之前講過中海物業, 我暫時未入, 現在先抽新股, 經驗一定唔多, 上市後再補貨, 我現在留意兩個新版塊, 一個飛機租賃, 另一個物業管理, 呢兩個行業有個共通點, 回報穩定, 由於我在自己大廈做委員, 一向同管業處工作, 佢地運作我都清楚, 物業管理收入以我大廈支出一個協議定百分率, 每年管業處會做一份來年預算案, 議好價錢加上佢地服務費來決定是否加管理費, 所以物業管理有數得計, 佢地大地產商有大廈落成都會交俾佢屬下管業, 那樣大家想下綠城, 中海, 花樣年拆出來物業管理, 既有增長又收入穩定, 我認為不交管理費機會少, 我做了4年未試過有唔交, 現金流一定牛, 所以我會未來轉向這類產業, 另外飛機租賃生意模式差不多, 都是有數得計, 剛中國飛機租賃發盈喜, 無記錯100%盈利增長, 我巳經入了中銀飛機租賃, 未來我會可能放出最近入股票轉陣, 發展新的路向! 

2016年6月30日星期四

投資回顧

這兩天很忙, 一晚去練功, 昨晚去學咖啡拉花, 今日假期, 來緊假期我會休息, 今日早上起來想寫什麼好? 見到今日回歸, 我就寫回顧, 不算2008年開始入場, 因為我平倉, 再開始係2012年, 我記得那時恆生指數係22000點, 昨天收市22000未到, 我以為昨天下午會回到21000點, 大家睇到以我入市到現在倒跌1300點, 但我投資倉無倒跌, 那一桶金倒跌還有剩餘! 個組合經過幾年轉變, 回報有200%, 那是我剛算好, 未計我賣物業回報, 物業回報更多,
以我當年付3成首期, 回報係500%, 我在想何解恒指不及當年反而有回報, 我早期抄波幅, 好像打牌一樣, 但求食糊有時雞糊都吃, 時間一長又覺得出出入入有問題, 去上堂, 我有改善現在不吃雞糊起碼三番食糊, 好彩都有機會清一色糊牌, 再跟價值投資者學習, 我現在有一批股票係不動, 打算長期持有, 真正穩定下來2014年下半年到現在, 以我慣於出出入入情況初時好唔慣, 現在好些, 我目標當然很有志氣, 要搵倍升股, 我曾經問過老師, 答案係跌到好殘的股, 又未發現的股票, 股價一元幾角, 大量買入, 擺埋一邊, 因為股價一元, 你買10萬股都係10萬, 佔比例不大, 這些我說過不會在成份股出現, 因為被納入前隻股巳經發育完成, 以近期再納入聯想, 佢一好轉被納入, 入後表現反而差, 呢類都係拖低恒指, 加上存在不利因素匯豐同內銀, 我在想恒指成份股代表什麼呢? 係這幾年令我有比較好回報不是恒指成份股, 而係二,三線股, 創維數碼為我帶來不錯收益就是例子! 我是這組合持有人我都覺得不是太完滿, 幾年時間又不代表什麼, 再過幾年可能又一番景像, 我樂意等待........

2016年6月27日星期一

英國與歐盟離婚案

英國跟歐盟搞離婚, 結果連累埋無關痛的我們, 歐盟猛推盡快離婚, 反而因公投而選擇離婚拖拖下, 卡梅倫等下一個上任去處理, 分手費都未傾, 市場亂到七彩, 好快市場同時認為美國兩年內加息是不可能, 分分鐘要減息! 結果昨天REITS升很多, 我其下港燈息價賺快達到50%, 佔大比數405都表現不錯! 今日有朋友問我買長江基建? 我只可以說留意一樣英鎊, 因為英鎊跌, 長和系英國業務兌換港元, 業績同股息都會大不如前, 英鎊仲跌不跌好難講, 我看未來貨幣仲會跌, 通漲會加劇, 我基本身邊留半年用的錢, 加上人工都夠用, 多都會入股票, 特別有資產同息率高的股票, 半年又有錢進帳, 錢搵錢加錢滾錢對抗這場世紀金融戰爭, 呢場戰爭要幾耐完結, 我可以說一定不止3年零8個月,真正計開始該從2008年開始, 現在2016年好像仲亂過2008年, 相信好長好長時間才有起色!

2016年6月25日星期六

投資與生活做配對

我昨天比較得閒, 用了一些時間整理下投資進程, 我一向買股做對沖, 昨天比較完後, 電, 水, 煤氣, 電訊包括手機, 家居電話同固網對比我手上煤氣, 港燈, 同香港電訊信託基本一年所收股息完全套到我一年支出, 即係過去一年我免費用, 感覺好爽! 405配對我租金, 管理費同差餉, 都完全套到有突, 因為我不用交租, 我2014年入一批月收息基金, 係伙食費, 呢個剛剛好套到, 但我自己想食好點就要自費, 看來要諗下計.

我還有一大堆同生活談不上關係的股票, 像友邦, 中國人壽, 港交所, 我在想港交所算不算補貼我買賣股票交易費, 匯豐對沖收我銀行手續費, 仲有廣發, 新鴻基, 新世界, 南方A50同遠東發展等等, 呢類不相配我會短期買賣, 不過我才發現我欠了都幾重要交通股, 打算少量地鈇,多點戴通, 因為後者息率高, 我還發現可以用粵海投資配我水費, 因為香港係透過粵海買水, 又要等靚價入.

服裝費可以從服裝股入手, 例如永嘉, 互太或堡獅龍, 護膚可以入歐舒丹, 事實我都有用這品牌, 好像好瘋狂! 不過我覺得我生活係用緊佢地, 咁投資都唔算係風險, 我強積金是友邦處理!

用這種方式去投資有時都覺得自己太 Q........

2016年6月24日星期五

投資體會心理質素

當你走入投資之路, 你開始發覺心理質素好重要, 因為市場好波動, 市場先生情緒不是人人可受, 如果接受不到市場先生脾氣, 最好唔行這條路! 畢竟健康是財富!

我朋友之前覺得有錢人賺錢好容易, 當自己進入感覺即時強烈, 恐懼同貪心在體內不自主地出現, 怎樣調節? 記得有隻歌仔係咁命裏有時終須有, 命里無時莫強求!

其實沒想過自己要投入這麼多時間, 要看書, 留意市況, 同做買賣, 當然投資知識高了, 睇法都有不同, 我可以說越了解恐懼會減低, 對價值投資同你對宗教信仰都要堅定, 不要有困難而搖擺!

2016年6月23日星期四

黑天鵝出現了

今日英國民意脫歐意向都好實, 結果恆指跌過900點, 午後會加劇, 世事係無絕對!

今日我入了一隻2588中銀飛機租賃, 之前我推介一本書, 就係講呢個行業, 李嘉誠同純官都有投資, 是穩賺生意, 其實上市我有留意佢, 疑惑佢咩生意, 但本書講得很清楚, 原來李嘉誠投資這生意都預埋佢三仔李嘉誠基金會, 佢都幾睇好呢行!純官用新創建去投資這門生意!

呢隻黑天鵝最大影響英磅匯價, 匯 豐會不會重啟搬離英國方案, 去年都提過, 現在機會又大很多! 搬一定來香港, 最近都話主力珠三角!

2016年6月21日星期二

團購的缺點

昨天蜂買出現問題, 商戶停止兌換, 所以點會無風險! 我見同事做網購不停去工廈排隊取貨, 攞完仲要賭下有無問題! 我一向都喜歡零售, 係商店當面交收, 可能我買野都唔多, 一年兩季衫, 鞋一對, 仲好著重穿後感, 唔太重要都會網購, 實在不多!

現今世界好想打破傳統方式, 買野係享受, 可以逛商場像尋寶, 睇啱可以試, 係馬莎我可以行半日, 好好消磨時間, 為什麼要午飯同收工趕去取貨, 有次陪個同事去仲嘈一輪, 事件係咁去取貨要俾運費, 該店可以八達通, 前面個客張八達通過唔到, 身上大鈔, 佢同店員話賒住先, 個店員打工梗係唔得, 個客係度狂數, 仲死唔肯走, 條龍變好長, 後面那個男人話我帮你俾, 咪阻住我回家, 可想而知很不愉快!

將來網購是否打破傳統購物方式, 我覺得自己店開多一條網購線比較可靠, 可以去回店取, 無中間網店隔一重, 唔好可以當面換, 幾好營銷都會有死門, 我唔明點解網購會熱! 明日主流!

2016年6月18日星期六

投資的體驗

我數年前買股票聽到一個沽空名詞, 而且一直覺得持貨人傻, 明知借貸會在市場被質低, 為了少少利息而影響價值, 後來一個朋友說持貨人根本是不會賣, 所以唔怕借, 仲可以賺息, 原來係我睇得唔透, 當時我偏向短抄多, 因為我覺得資金可以短期翻幾轉, 年度增長率會比收息高, 當然要好貼市, 相對很忙, 舉例我說過持有永嘉數次, 每一次我都過10%會沽出, 如此我共3次交易, 這樣係組合有一組資金收益達30%, 稱抄波幅, 其實長期短期都有捧場客, 後來我覺得係賺到錢, 但又覺得投資是這樣嗎? 我又覺得自己眼界很窄, 隨後參加了一個個課程, 之前我試過每次交易有2%都會沽出, 我想轉多幾次, 但上課後次數少了, 會睇情況儘量都過10%才沽出, 根本幾十次對比十次利潤都是一樣, 何必那麼煩, 到後來跟曾淵滄上課, 他是絕對價值投資者, 眼光都準, 我投資初期都每天睇佢專欄, 我開始投資都是他在i money 介紹窮爸爸, 富爸爸而積極起來, 事實我覺得這本書唔太適合港人投資, 但我們得到書核心價值理念, 早幾年曾博士巳經財務自由而離開教席, 做自己喜歡的事情, 我所認識的他是對投資充滿熱誠, 去年開班授徒, 我立即報名, 事實10年追文對他投資法都了解, 不過我想支持他, 畢竟他改變我命運, 價值投資自巴菲特師父到現在都被推崇, 影響後世人, 現在我對價值投資認識在實踐中, 開頭幾年威力是不大, 但一定要選對股, 像我前老板一隻長城汽車, 哪怕其他係平庸! 期次是時間, 係長期持有, 像我友邦同越秀房地產信託, 我是有部份一定唔沽, 打算長長期.

其實我離退休都不遠, 跟巴菲特的80歲多, 那對比又很遠, 鬥長命, 我都希望睇到組合威力! 這不是錢的問題, 是價值投資的成功感!

跟曾博士完成後都還繼續聯絡, 是聯辦機構努力成果!

精明消費

話說我地不停努力增加被動收入, 不如講下消費, 我本身係一個係人地眼中唔算精明消費者, 講下衣服, 我貼身好少網購, 因為唔上身未必啱, 盞浪費擺係度唔著, 我比較買品牌, 因為佢地控制染料唔會用有毒素顏料, 因為我做過製衣, 每一缸布會做lab test, 無王管就因為成本平唔會關注呢層, 布料接觸身體會被吸收, 所以我唔會省, 特別更貼身內衣!

再落一個層次係款式, 我現在會選耐看款式, 我又唔會跟潮流, 儲下幾季可以再配搭, 基本一件衫最少都3年,可以更長, 棉質T-SHIRT可能一兩年, 易殘不過最後可以當睡衣著, 超舒服

講到飲食, 我儘量出街帶水, 不會買樽裝水, 我地委員會開會用支裝水, 我一定自己帶一壺熱茶, 養生又環保!

基本我係一個貴買一件用幾年, 唔會又多又平, 所以我唔係精明眼, 但我貴精不貴多的人, 都一樣做到節流效果, 唔一定好多好平先至係精明眼!


2016年6月16日星期四

人為市場

國內股市係散戶主導, 香港係莊家主導, 莊家睇牛熊證, 牛熊證每日成交都唔少, 所以有心理準備要等很多時間, 因為呢個唔係自然股票市場, 要搵息率高優質股.

事實我又唔明白牛熊散戶係俾莊家食, 仍然每天都博餐飯, 何解唔認真持有優質股, 係50年前股市股價到今日巳經漲了不少, 當然昔日幾毫子購物力巳經消失, 可以抗通漲就是樓同股票, 何解每日追恆指高低?

平價貨其實通街都係, 選邊個睇性格, 最緊要安心!

2016年6月14日星期二

估市沒意思

今早A股沒納入MSCI, 國內確沒條件進入, 所謂勉強無幸福, 入到都係明年今日先啟動, 對市場藥力根本有限, 不過仍然利用這資料抄作. 否則無野做, 另一事件部係脫歐我認為日子都要過, 企業會應對, 好與不好無絕對, 美國通漲不高, 加息根本無意思,加息係經濟過熱才用, 現在熱都唔熱, 分分鐘凍過水, 保持現狀再睇下經濟未來走向, 英國人應該識得唔會做自己無著數的事, 若真脫歐, 肯定好處多過唔好處, 世界自然有自己定律, 正如投資者都係按自己性格老老實實去投資. 不要被市場3日風, 4日雨影響, 唔好影響自己生活, 保持良好心態, 透過波動錯配去執平貨, 如果仍然睇好匯豐同長和, 現在是低吸好時機, 如果匯豐低過我預期, 我都會加追, 8厘多回報是很難得, 蘋果亦將匯豐作為支付平台, 從這點仍然是別人信心保證!

匯豐我打算到脫歐公投前一兩日睇是什麼價錢再決定!

2016年6月13日星期一

黃國英的talk show

今日刺激嗎? 似乎未肯停! 我地收息唔好被掟出來, 我一向心態係賣咗無息收, 基本係有入貨最好唔出貨, 我本人真係認為英國唔會脫歐, 英磅好大鑊, 希望唔好有黑天鵝!

上星期六黃國英舉行一場TALK SHOW, 佢早前講會蝕錢, 因為市場無散戶, 散戶唔參與股市, 仲點會買票去聽! 我都無去, 因為我覺得佢唔係價值投資者, 今日有文章講佢個SHOW, 佢將投資比喻為足球隊組合, 我又想不到隻中海物業有份, 位列中場, 看來這跌市要入, 真係幾多人覺得佢可以持有!

收工打開牛熊證, 好多牛被劏, 我唔同情呢D被劏的散戶, 衍生信得過, 豬乸都會上樹, 由於散戶不多, 莊家點舞都得, 我諗明天都係向下, 星期三會知A股入摩否, 真係入到都唔會點大變, 因為藥力唔會咁快見到.

2016年6月12日星期日

恆指真假PE












上期I MONEY 林本利講及恆指真假PE, 因為會計問題, 所以資產價格要採用公平值, 公司都會搵有保證評估公司估值, 在我來說又製造一個收入機會, 但上市公司無請請使多一筆錢, 事實都唔係利潤, 只可以說資產升值, 所以我覺得數唔係咁入, 應該開一個Account 係資產重估, Debit side 係資產, Credit Side 係資產重估, 不要設定為收入, 可以用Current Account表現出來, 如果係出售先再正式為收入, 現在放入收入一起, 那PE會降低了, 假如未來資產降值, 那一定很恐慌, 一下子PE升好多, 事實又未賣喎! 一盤生意最能體現經濟情況一定係實體生意, 最近我發現了一個情況就是REIT, 佢每年都要重新估值, 近年來都保持升值, 同樣佢以這個數據來計算負債率, 那樣未來降值, 是否要股東夾錢降低個負債率, REIT規定負債率不可以超過資產45%, 呢個問題係我諗多咗, 因為全世界咁印銀紙法, 資產貶值機會不大, 而且我仲發現REIT續新債務合約比前一份利率低了, 我係銀行都想借俾REIT, 舊錢又大, 唔使撲QUOTA, 唔怕唔還, 收租都係現金牛, 水又多, 你地睇下TVB最多廣告係借錢, 呢d細deal, REIT先係大deal, 所以議息空間大,  我留意林本利做真PE, 煤氣同港交所分別20多同30多PE, 獨市這個PE我覺得唔貴, 昆倫能源係500多PE, 呢d我好奇怪會係恆指成份股出現, 恆指選股標準我所知有成交量, 市值等, PE是否考慮因素? 四大國有銀行看平到爛, 但壞帳又令人擔心, 現在都係拖字訣.

恆指是否應該改革下現有選股標準, 達到體現經濟真實情況!

2016年6月11日星期六

長期組合

話說約2007年左右, 當時我還在前公司工作, 除了會計工作外, 我都要兼顧老板文書工作, 書信存檔等等, 可能當時為了應酬關係, 老細在一間證劵行開了戶口,我印象呢間唔係上市, 佢用了不夠一球資金投資幾隻股票, 每月月結單來到佢只望下就擺低枱面, 漸漸積了一堆信件在枱面, 我決定買file box將月結單順時存檔, 有股息一個月都幾份, 每次我都會望下, 佢係無理會, 由得佢自生自滅, 我印象較深係有13(黃和), 0808(泓富), 長城汽車, 我直覺佢幾欣賞誠哥, 其間都試過好差, 特別是長城汽車, 佢幾年成績浮浮沉沉, 收了股息佢都無用過, 佢係老細我諗佢唔會花精神去睇, 幾年股息多了佢都試過有加了股票, 總之就無提出來, 直至長城汽車, 十送十後股價爆上, 佢個組合一下子多了幾百萬, 其他股票係好普通無咩上落, 佢買長城汽車係單位數, 好像一元左右, 試過幾毛, 最後超過40元佢放了, 接著比較好黃和, 後來同長實結合, 現在我老細不在人世, 佢個組合應該係後人接手, 我都離開了公司, 係呢個個案應該有體會, 當然佢做生意比較成功, 所以佢會放多些精神在公司度, 證明了組合內一定要找一些唔起眼股票, 因為佢可以令你至富, 我就選了友邦, 因為前景同增長都不錯, 我27元左右短抄, 直到佢阿媽AIG賣哂佢我就沒有短抄, 長期持有, 中間都有加持, 我現在仲想搵多隻, 我朋友推介我中海物業, 佢一次過入40萬股作為佢仔女未來教育基金, 佢係27銀河仲係1元持有過, 可惜幾元放了, 不然今天佢巳經至富了, 希望佢今次堅持下來, 佢話一定不聞不問, 我問過佢點解選佢?我本身都是大廈委員會工作, 我知道物業管理由佢阿媽起完樓俾佢做管理, 服務費係由收入或支出的百分比, 佢話中海拆出來都一向不錯, 佢起樓一定係佢管理, 增長不成問題, 問題係國內人對管理費心態, 但花樣年拆出來彩生活相當不錯, 我打算下回股息用來投資呢隻, 我暫時未有能力找有潛質股, 不如跟下其他人意見.

2016年6月10日星期五

沽空者出山















沽空者索羅斯又出場, 一夜之間各股市同金市配合佢佈署, 股市跌同金市升, 老師話索羅斯最喜愛一招, 因為佢一個人個氣場唔夠, 所以預警佢行動, 利用人性弱點配合佢, 佢今次主要針對國內, 事原係國內外匯儲備少很多, 睇準呢個弱點, 沽空者好像野獸一樣, 見到目標物出現離群, 有顯弱情況就出擊, 國內正準備入MSCI, 如果索羅斯真的做佢世界, 那國內一定再封閉, 再出手, 呢d對入MSCI係唔好, 其實國內人仔唔算很自由, 人仔係有兩個價, 佢只可以攻一面, 我直覺索羅斯出手係人仔, 佢從來都是聲東擊西, 佢真正目標係估佢唔到, 人仔有機會貶值, 人仔一貶值, 佢可以係中港沽空, 恒指昨晚出現低水, 我朋友昨天做Long put, 所以呢個世界無正義, 個個打算跟索羅斯一起偷金, 所以星期一大家準備安全帶, 迎來大波動, 我一向心態都係收息為主, 我同股神一樣升市反而無野買, 跌市仲可以shopping, 因為大升市我要煩出唔出, 出了我以後無息收, 當然到時如果價升個息率仲有增長, 分分鐘都過20厘,好像領展由IPO到現在市場計過超20厘, 呢種情況不用想, 當然保留! 我其實睡醒, 不過鐘意發下白日夢

2016年6月9日星期四

投資要定時進補

今日行書店,見到這本書,我記得每次上市公司有deal, 我都唔係好理解,這本書解開我一些疑問,原來我會計真係可變出很多財技,我份人老實,無諗過有些數可以這樣處理,感覺對股東唔多公平,如果母子有deal 通常都係阿媽有著數,不過有時想,大股東share股份出來,小股東坐係度等收益,可能條氣唔順,呢本書又令了解上市公司很多財技,投資不是簡單,要做到細緻要落苦功。

2016年6月8日星期三

又掃貨

昨天我又掃貨! 話說一個朋友問我0902華能入得過? 因為她知道我曾經買過, 我當時買我記得約7元左右, 息率都過5厘, 都是短途投資, 打開aastock, Oh My God! 得番5過幾, 睇埋息率過10厘, 嘩! 非常吸引喎! 我係好息之徒, 當堂眼前一亮, 盤算緊, 轉過A股版, 嘩係現價7過幾人仔, 明顯跌過龍, 即係望下有無cash先?仲有錢即刻大家一齊入貨, 點計都係大平賣!

昨天上班係地鈇攞份都市日報, 收我咁貴車費點都攞份免費報睇, 事實都市係好睇, 見到我老師文章, 竟然提到我剛入17新世界發展, 話佢有條件攞件資產賣, 事原係有單新聞一個豪宅售出係呎價打工仔一年人工都未必買到一呎, 係一呎睇清楚些, 間上市公司唔記得叫什麼莊士? 股價升到上十大上升榜榜首, 當下最有相同條件係17新世界發展同領展, 同期鄭家純入一件罕有珠寶, 你睇個主席有錢到買唔等用的珠寶, 所以我最鍾意買那些磚頭收租股同有強勁現金流股, 概念嘅野我不太懂. 我只知道加息遙遙無期, 銀紙凍過水, 資產同現金流才是王道.

今日係端午節, 竟然出月餅廣告, 再過埋6月, 中期業績又準備出場, 到時又有息收, 我正飲咖啡, 係notebook寫我投資日誌, 心在想現金又湧入來, 下次買邊隻?

2016年6月7日星期二

迎來升浪

只要有睇我之前的文章, 知道穿21000點的重要, 因為過到21000點接著會升得順, 果然今日上300點, 昨天我放了長和, 原因係脫歐問題, 本來我都好有信心不脫, 怎料民意調查又出乎意料想脫歐多了, 長和好多資產係英國, 我都唔想博, 所以不用蝕還收了股息鬆人,至於永嘉, 不是我對他有改變, 而係確定升浪, 資金會比較流向恆指成份股, 既然都有8%回報, 都係收割, 我前後賺了三次錢, 我覺得佢好但未足夠條件增長, 第一零售差了, 代工應該無問題, 除淨後直覺會調整, 市場資金有限, 流向恆指成份股多, 如果深港通通車, 再抄係中資股. 今日我轉入新世界發展, 大冷門,  購買原因一是恆指成份大落後股, 息率過5厘, 市帳率0.38
資產淨值都值19元, 我係佢7元巳經留意佢, 今日確定會有新一輪升浪, 決定入貨.

昨天公開我買股名單, 個倉係2008年起, 起點係百萬倉, 靈感來自財經雜誌, 資金被我不停運轉, 其間入過一層收租樓, 有一個7.2定律, 說7.2%回報十年可以滾出一倍, 複利效應, 我個倉不到10年, 巳經滾了不少一倍回報, 當然係我這個勤力主人不斷努力, 吐故納新, 才有這成績, 是有點累, 未來我真該放慢讓他自我成長, 不過我這個急主人都係改唔到, 怪獸主人!

2016年6月6日星期一

我的組合

名稱 股票代號 百分比
友邦保險 1299 29.47508819
越秀房產信託基金 405 35.75920988
港燈電力投資-SS 2638 2.52826291
香港中華煤氣 3 3.114659149
香港電訊─ S S 6823 4.150443159
廣發証券 1776 6.707934542
中國人壽 2628 1.600258894
香港交易所 388 1.750968208
南方A50 2822 4.040836386
遠東發展 35 0.902429102
新鴻基地產 16 1.69890499
匯豐控股 5 0.732903959
現金 7.53810063
            100.00



*今日沽出#1, #3322

*#1299 增長型股
*#0405 收租股
*#2638, #0003, #6823 公用股
*#1776, #2628, #2822 A股正在虧損中
*#88 獨市股
*#0016, #0005, #0035 打算短線

組合處於正回報中, 不是A股拖累下, 回報更可觀, 息都不理想, 等回魂中........


2016年6月4日星期六

打工仔何去何從?












我從一份免費報紙看到東亞銀行裁員新聞, 發現有一則很爆的文字, 說及那180人每年總工資等於李國寶三父子的年薪, 看到這180人等如180個家庭, 會將帶來多大影響, 竟然同三父子一個家庭的對比, 有社會責任嗎? 當然老細是可以抄人, 其實我想講唔係個老細有幾差? 事實我都無興趣討論佢, 而是這180人打工仔的前程問題, 可見打工很無保障, 當你有一份工都要為自己安排另一個打算, 不要像在另一個blogger講及一個女士為了公司東征西討, 將所有時間奉到公司, 而間公司不是你, 到你價值用完, 人老珠黃等俾老細拋棄, 不好意思! 科技太進步, 一部機器頂10個人, 我無理由日日請你回來坐, 我抄你是大勢所吹, 現在職場過40歲都好難找工作, 找到工資都無一半, 所以刻下投資多重要, 青春很有限, 你年過30歲開始走下坡, 老花來找你, 體力都大不如前, 市場變化大, 一個不小心被踢出局, 後來幾十年怎算? 這是我在踏入40歲, 老花體力差而離退休不遠所看到的危機, 所以開始上投資之路, 明知山有虎, 都要向虎山行! 很多人話股市係好兇險, 不過都有幾個憑投資達到至富之路提早退休, 我心想唔識咪學, 無理由等死, 剛開始我都不順景, 又再試, 一年又一年, 經驗增加, 發覺投資成功與否睇人, 其實同做生意一樣, 都係睇個人, 不見投資要睇管理層, 相同道理, 所以打工仔唔好懶, 以為強積金是你下半生依靠, 自從無了金本位, 銀紙好易印, 通漲不會停, 你漸退體能怎敵通漲? 

買股票等同做了上市公司股東, 分享佢盈利, 即是同李國寶先生一樣, 唔同佢股份大過你, 唔緊要你可以儲, 千萬不要搵搵你著數的上市公司, 呢樣係要你努力, 等於你識朋友, 耐了都知什麼適合你, 你開始想由一個打工仔上游了做股東, 不需要參與公司運作, 有人會替你工作, 剛開始係不容易, 投資最大敵人是時間, 隨著日子過去, 你投資效應會出來, 接下來很輕鬆的.

建倉的組合

今日有一個朋友講建倉, 以下是我個人見解:

買得股票梗係望財富增長, 假如倉組合是恒生指數成份股多, 那麼你要面對衍生工具波動, 令你個倉很忙碌, 現在稱窮忙族, 因為恒生指數在10倍下購入, 你想係牛三歷史約20倍, 即是你的組合賺一倍, 等那大時代20倍可能來來回回的點數幾十回合, 打工仔睇下自己強積金成績, 肯定閣下唔會成日出出入入, 增長唔蝕都偷笑, 但恒指成份股佔大市成交都7成, 點可以無成份股? 無錯但你要係50隻找出最有前景的股票, 倍升股可以令組合大增長, 倍升股大部份唔會係恒生指數成份股出現, 所以你要花力水去找, 公用股在組合一定要有, 因為公用股會提供穩定息率, reits都要有一定比例, 都係為了穩定現金流, 我製定組合初期是根據以上各點持有, 每年都令我收取6位數流入, 這些流入現金因為不是自己血汗錢, 我會用來找倍升股, 最近我吸入遠東發展同永嘉, 現在睇緊剛上市的中海物業, 這些股要守一段很長時間, 佢地有息率, 不是減弱我的組合, 我個倉係2010年起, 期間隨著我個人經驗增加現在跟當初都很大改變, 只有友邦同越秀房地產有得留低, 今年個恒指回穩中, 組合巳經平復損失, 股息不斷增長中, 如果情況不再反覆, 我很有信心取得正回報!

2016年6月3日星期五

能穿21000點?

今個月短短幾日, 即使衝過21000點但都不能企穩, 我保持現況不買不賣, 今個月有三大事件波動市場, 英國會脫歐? 美國加息同開動深港通. 昨天發生了東亞抄員工事件, 主要裁證劵同強積金, 現在買股票都多數網上進行, 所以減人手不是奇怪事, 我覺得可以員工流失處理, 不需搞到街知巷聞, 畢竟抄人不是好事, 該低調處理, 同時有調查指出香港人偏向儲蓄, 不會投資, 怪不得每日成交量那麼低, 市場無散戶的時候, 反而見底回升, 不見好幾天都會有100點內升幅, 我個人組合亦都平手, 未計巳收取股息, 自去年28000點往下沉, 輾轉一年最盡去到18000點, 一年將散戶掃走仲嚇到以後不敢投資, 我本人捱過了股災, 收復失地, 今日曾淵滄在報章說還在股市買賣, 巳經高手, 係這一年, 我覺得經歷股災不是壞事, 投資經驗長了不少, 我見盡很多人輸了永遠離場, 有些仲要出來工作, 我算不是去到盡的人, 所以可以仲係股票場, 曾經有人講一件事要做得細緻, 要用100小時去鑽研佢, 堅持係個圈, 那你一定可以笑到最後, 同意否?

2016年6月1日星期三

傳說股神買友邦

昨天里昂指出股神投資要求友邦很符合, 我當然都很開心, 因為我都係價值投資門徒, 自己持有, 起碼覺得自己沒選錯, 我持有都算多, 以我打工仔計, 息又唔高, 價又成日chok, 堅持非常不容易, 剛保險會說第一季保險有增長, 現在似乎係保險有前景, 我本人都覺得保險前景有亮點, 隨著國內新世代湧現, 會令保險佔有率增長, 因為現代人一出世都會開始買保險到老, 友邦是亞洲保險龍頭, 應該掂, 同時都表示息率有增長, 補到我等待時間值.

2016年5月31日星期二

六絕是否出現?

來到六月是否有六絕? 昨天在最後一分鐘成交達300億, MSCI換馬引至, 市場將A股入MSCI預期升高, 昨天國企造好, 我最沒有再掃貨, 反而恆市每升一倍, 會減持, 即是約23000點左右, 還有一大段路, 今星期會收取港交所同長和息, 又放在待熊基金中, 六月在我看會相當波動, 先A股是否納入MSCI, 深港通是否今年實行, 再唔公佈今年沒有希望. 再來英國是否脫歐? 美國是否加息? 咁多決定問題市場想唔CHOK都難!

我依舊每天抽出時間睇書睇年報, 機會留俾有準備的人!

2016年5月30日星期一

今日再集郵

今日見美國加息好像很快, 原來想入泓富暫時擺低, 我一個朋友早幾日問我買匯豐如何? 我今日想美國加息對金融有利, 匯豐現在過7厘, 終於我同朋友一起入了兩手, 仲打算將來一齊放, 我諗到60元考慮下放出, 應該有一段時間.

我仲留意近排隻煤氣股有回穩上升, 同時我又留意capital放互太紡織,轉入中國燃氣, 而煤氣最近增持港華燃氣, 燃氣原來係未來新經濟亮點, 因為國內空氣污染很嚴重, 燃氣比較乾淨, 但因為價格問題, 抄完又回落, 今次大孖沙入貨有什麼啟示?

2016年5月28日星期六

核數師重要性

我近期買了鍾記書籍, 佢提及到買股票前先睇下邊間核數師, 可想而知核數師操守幾重要, 當然我地投資者睇年報來投資, 如果個報表失實, 我地分析都會跟著錯, 作者建議最好係四大會計師樓包括安永, 畢馬威, 德勤同普華永道, 原因佢地太出名無必需做壞招牌, 這同時證明買野要買龍頭, 像新鴻基地產, 佢起樓料靚, 我都鐘意佢樓房, 但奈何銀紙唔爭氣, 佢樓有捧場客, 我都希望有日換到新鴻基樓, 回到正題如果係四大核數師把關, 盤數可以睇落去, 不然唔好買唔好再睇, 呢點投資學問我第一次聽, 我之前好少人會提及, 所以我都會睇很多不同人的投資方法, 說實在很亂, 所以我係度寫低我投資路程, 某年某月某日我得到一個新經驗.

退休建倉

今日睇i money林本利博士文章, 提及現在是建退休倉好時機, 他著作我都有睇, 覺得他是非常保守的投資者, 應該說很很保守, 今日見佢在恆指成份股選了約十隻, 恆指內中國股票是一隻都無, 應驗我所講國內股票唔適合退休人士, 如果你在佢好低位入, 仲要有好好耐性, 又一個唔好彩係高位入, 跌幅可以好大, 可以跌50%, 息幾高都冚唔到, 所以咁多股票又何必選佢! 其次避開妖股,妖股好容易睇, 佢價格唔高, 方便造價, 你可以從歷史睇佢有無又拆又供, 又會將唔好資產賣俾公司套現, 妖股比國內股更差, 翻生無期, 將股票貼牆紙可能都係一種特色, 還有新上市股票, 除非間公司非常好, 不然起碼睇三年報表先決定, 最近一個經驗, 去年中國imax上市, 我真係幾睇好, 股價都很高, 因為我覺得電影係國內市場好大, 基於我睇過書, 說新股要睇幾年業績先好考慮, 寧願買貴都唔好買錯, 今日我抺汗, 個股票跌很多, 我會跟進佢往後業績先決定, 唔使急!

又講回林博士個倉, 竟然無煤氣, 但有國泰, 國泰要等油價平先可以買, 匯豐我覺得真適合退休? 我有朋友60元買, 收息冚多長才補回, 最近係美國可能加息, 叫做利好匯豐, 最令我擔心佢失驚無神又美國唔知咩省告佢喎

佢個倉都有60%我認同, 不過我覺得倉要配合主人性格, 我非常認同佢講法, 股票實在太多, 只好花時間係恆指搵十隻你喜愛股票長期追, 做得恆指成份股都有個譜, 但有例外, 像過去利豐, 今日百麗, 因為指數成份股都會變酸,  你最好好好了解這10隻股票, 知什麼時間入, 長渣或放出, 業務前景, 那你可以更多時間享受生活. 其他美女等其他人去揀!

2016年5月26日星期四

今日行動

今日我繼續行動, 入了一手新地016, 我留意佢最近賣樓, 今年應該出盤多, 索性入一手, 我又集郵啦! 今日收到電訊信託基金股息, 明日是友邦, 集齊又可以集郵, 隻泓富地產信託基金仲未到我心目中價, 下個月美國加息之聲很近, 應該會回落, 加息對reits很敏感, 還有石油回到美元50元, 港燈都回落, 載通都一樣, 燃料上升對交通用電好敏感, 但加息對保險股是正面, 金融都是向好, 個市今日500億成交都無, 無人買貨, 是否巳經見底? 莊家再沽空都無著數, 賣都賣哂, 像我集郵好難棄股除非個業績轉差我先放棄! 

2016年5月25日星期三

今次升幾多?

早排見莊家動作, 牛熊證有200點距離, 純莊家造市, 魚缸實質無魚, 成交額好低, 莊家自己玩手指, 隨著美股升上, 莊家反手殺熊, 係香港市場都要留意莊家動作, 我好唔明白買牛熊證的人, 明知人為因素多, 衍生又係莊家出, 有幾多貨最清楚係佢, 點解仲要同莊家對賭? 不過我地可以執平價貨, 收下息, 我本身都會有個組合, 增長以友邦為主, Reits同公用佔數多, 佢地為我提供穩定現金流, 另外係中資股, 到目前為此, 最差係中資股, 其他都有正增長, 現在我只留下中國人壽, 廣發同南方A50, 廣發等深港通應該會放出, 剩下等A股翻生, 最後一組係短抄, 內容無特定, 但條件係息高, PE低, 同被市場低估, 係莊家橫行時候, 短抄可以增加流動性, 這是我最新戰略!


2016年5月24日星期二

整理組合

2015成績表出來, 有幾隻國內股票不睇好, 早前入了長和同永嘉, 昨天放了那幾隻股, 回了資金, 加埋今個月收息, 可能睇位入泓富房產信託基金, 或者入新地, 個價真係好平, 佢都有收租項目.

2016年5月23日星期一

投資血淚史

係2008年我為了未來退休, 踏上投資旅程, 自己做基金經理, 我的強積金不用提, 無眼睇! 其實我不太差, 自成立都有盈餘, 但實在太少, 好懷疑怎退休? 自己08年按上自住樓取一桶金, 上路, 但不順利, 平手走人還錢, 用剩下錢買了一層樓, 3成按揭, 當時巳經連租約買, 不用供樓, 深深不憤, 再按自住樓取下一桶金, 今次一上路巳經賺20%, 其間我買了幾十本投資書, 我諗有幾十本, 到現在我都沒停止買書, 每星期都買I money, 我需要不同人的方法, 我還去經濟學院讀了初, 中級, 高級無讀主要衍生工具, 我既然都選擇了價值投資, 不會浪費時間在衍生, 經過了8年努力, 我都算有成績, 機會留俾有準備的人, 現在回想都很大膽, 去到好盡, 我現在投資經驗都是跌跌下成長, 我都要試斬變酸股票, 這是必經之路, 你沒可能一次錯都沒犯, 股神都有犯錯, 何況我自修!

昨天我媽打買菜回來, 對我說剛在市場遇到抄股的朋友, 現在賣菜, 我媽打好薯仲問人做咩賣菜, 對方說不要問這問題, 一定是去年28000點撻落18000點, 這散戶一定追國內股, 現在肯定一地血, 其實這種情況我見不少, 我有兩個朋友早幾年都係中資股散戶,當時2823升到無人信, 後來好像中國經濟GDP沒有高增長, 中資股跌了9成, 個朋友從此不再買股票, 另一個朋友本來主婦, 結果到酒樓打工, 佢地股票沒有翻身之日.

這種情況我想帶出國內股不是好投資, 如果你不了解國內國情千萬不要投資國內股票, 天堂同地獄一定有機會感受, 正如股神說不了解就不要人買你買的, 退休要找一些穩健投資方法, 多留意財經, 睇通年報, 了解行業前景才投資.

2016年5月21日星期六

載通國際控股 0062










見來我blog似乎想搵睡得著股票收下息, 我就選了一個這麼近, 那麼遠的現金牛公用股, 就是你一落街會見到一部部充滿英式紅色巴士, 係咪好近呢! 那麼遠是佢在香港巳經很多年, 我阿媽年代必然交通工具, 我小時候還有打票員, 又係咪好遠呢! 日日香港人番工必會交錢才能上班搵食, 仲唔係現金牛, 點解現在被忘記? 因為有地鈇關係, 地鈇準時又快又唔怕塞車, 所以入了冷宮, 你會問又介紹? 我最近一直監控佢, 因為我想入, 話說我現在年紀大, 每次出去總想起搭巴士, 因為唔想行落地鈇再行上來, 特別是我區一條很長的斜路再來一條樓梯才出路面, 我都會搭地鈇上班, 因為準時易掌握, 出事全港都知, 遲到有原有因, 特別是觀塘線, 一有信號故障呢, 不出3分鐘個月台爆到上番去地鈇站, 好番起碼10部車都入唔到車廂, 咁你應該留意地鈇? 隨著人口老化, 我地即將退下來, 我退了唔趕時間一定係巴士, 現在老人有2元優惠, 多了很多老人游巴士河, 再加上未來10年老化人口, 可能會多人選巴士? 最重要佢股價之前無起色係燃料費貴, 現在石油回落了, 石油回落持久性幾耐估唔到, 不過起碼未來10年佢未必輸俾地鈇, 地鈇現在開始老化, 維修費都好甘, 現在仲借錢填個爛工程, 以佢股價我覺得貴, 目前唔諗佢住, 相反巴士現價都唔算高, 買來補貼我老年交通費都不錯, 現息率有5厘多, 買佢唔使睡唔著, 再平再入下, 又係留俾下一代最佳禮物! 我曾經就在認識的朋友, 當中有90後, 一至有得揀會第一係巴士, 才令我有信心入, 花很多時間睇佢年報, 真係好多頁, 現在未消化, 市帳率係1.17倍, 市盈率13.40倍, 唔算平唔算貴!

互太紡織1382

網友提到互太紡織, 其實我買過這隻股, 幾時唔太記得, 我最有印象約10元左右, 當時我不是持有太長時間就放出, 應該唔係蝕價走, 當時佢係高息股, 所以我留意到佢, 今日我睇過佢最近年報, 互太在製衣是上游行業, 棉紗到布疋, 影響到佢盈利係原料價, 棉花! 據我所知棉花現在是低價, 另一樣是資本開支, 佢要不斷更新機器去迎合顧客, 佢手上都是知名大客, 我最鐘意馬莎買衫, 我次次正價買, 點解我會買, 佢適合上班服, 質料好, 唔會洗幾次就玩完, 印花款多, 另一個就係內衣品牌ck, 我用呢隻牌子好耐, 都是質料好, 再另一樣係人工, 國內人工係貴好多, 會令成本增加, 關稅應該唔輕, 還有匯價, 不過人仔貶值, 應該是有利, 負債比率健康, 選用核數師值得相信, 以佢上市以來息率都唔會坑股東, 又無又供又拆股票, 見佢盤數持股人幾傳統, 以現在股價, 市帳率是3倍多, 加上現時經濟環境似貴了些, 如果維持到息率都是不錯選擇, 市盈率達12倍, 我見去年係儲備取部份來應付息率, 所以懷疑是否維持到?

其實見網友講現在是捱價, 入股要講時機, 獨市港交所都會捱價, 更何況係寸步難行製衣業? 我就係捱唔住擠了出來!

2016年5月20日星期五

衍生效應

最近升跌都是衍生效應, 牛熊證在成交佔比都很重, 真正像我買貨其實不多, 所有波動都是為衍生工具, 我家人說個市在跌, 問我還買貨, 我說個市點情況我只參考, 遇到自己睇緊嘅股啱價就入, 如果恆指市盈率係10倍樓下, 輸機會低好多, 唔代表一定對, 當隻股票變酸, 恆指什麼點數都唔關你事, 只係做斬的決定, 所以搵股好多野諗,我曾經有諗過設計一個問卷, 將睇中股票做數據, 填入問卷, 得分高咪等心儀價買, 要花很多時間去設計, 我要
退休先考慮, 平時做完野放工我要運動, 我都投資另一種財富是健康, 我很喜歡拉筋, 站樁同習太極拳, 這樣才有命同股票鬥長命!

2016年5月16日星期一

今日掃貨

今日我掃貨, 我先入長和兩手, 我想收埋後日息, 除了息我個價90元樓下, 覺得幾抵, 由老師講話長和是未來10年值得持有忍到現在, 當時我覺得貴, 現在跌到91元, 佢之所以跌咁多好像同英國脫唔脫歐有關, 因為長和有英國投資, 脫唔脫未知數, 我個人覺得脫歐唔會囉, 所以我入貨, 另外我抄了兩轉永嘉, 佢個價好波動, 我係1.33入回, 6月中稍後除淨, 可能我之前做製衣, 情意結, 我兩次都賺到平均20% , 所以我清楚佢價格去向, 長期都睇好, 明天我會收到405股息, 我會再觀望下仲有什麼又平又靚股票, 今日收獲好滿意, 呢兩隻長渣短抄都得, 如果升20%我都會放出, 我是長,中同短投資, 短抄可是貼市唔悶, 會追下資料.....

2016年5月15日星期日

論港交所

港交所係投資組合應該是成員, 原因是獨市生意, 唔會執笠, 資本成本不高, 一定有生意, 不過都有周期性, 差的時候可以好殘價, 所以我老師說係最差時候執平貨可以選港交所, 貴買都唔怕係唔抵, 所以呢個調整我都會溝貨, 本身有少少, 當儲貨!

我相信價值投資者現在除了等大減價, 仲要煩入咩貨, 我曾經試過入巴菲特所謂煙頭雪茄尾的股票, 發覺係好像好抵買, 但成交量好低, 因為唔起眼, 我就入了一隻35遠東發展, 見佢到過接近4元, 我係2.90入, 結果現在更低價, 因為佢有酒店業務, 所以就好沉, 息率都可以, 年底用股息入, 現在未收息, 過去都在6月公佈業績, 我覺得開始係佢收成期, 有無睇錯還望下個月, 歷史一定有息收, 所以唔擔心, 我一直用不同角度去了解股票, 發覺抵買唔一定賺, 要搵一個完美投資心法是一個很大學問呢!

2016年5月13日星期五

又再量宽

今日竟然有一則說美國再量寬, 佢未有收縮資產負債表, 再放水又再水浸, 話未來10年都係超低息水平, 能說什麼?

今日我本來落永嘉的盤, 1.30 可惜入唔到, 唔緊要, 可能未來更平, 同時我都留意808泓富, 但我心目中價2.80, 老師話最近reits係抄上去, 唔好高追, 佢意思係入貨唔會長期持有收息, 果然今日大幅下跌, 同時持有都唔好賣出, 收息就收息! 

我估計恆指會再跌, 因為環球完全唔睇好, 個PE會看低一線, 我都會在心儀股票折讓先入, 心理上都舒服些, 維持長期低息, 手上高息股就不能賣, 還要加碼對抗通漲, 銀紙印幾多有幾多, 有資產股票就相當值錢.

長和都是我入貨名單中, 聽聞李超人病了, 保重!

2016年5月11日星期三

集郵式投資

每次收到股息都等待下一次機會, 然後持有收息, 這種滾動式投資比較舒服, 風浪影響唔到你心情! 最近股神巴菲特提及到美國維持超低利率50年, 我一聽50年我都入土為安, 道指會10萬點, 唔好講50年咁耐, 講10年呢世界會更加亂, 打工不見天日,因為下流到地底, 中產不斷往下流, 上層可能更富有, 基層不斷上升, 仲點唔會天下大亂! 不敢想像, 似乎堅守現在投資方式, 預期來緊都會收息率高過去年, 第一友邦業績應該息率有增長, 另一隻405因為多了上海收租, 去年未反影係一次性收購支出, 同其下一個場裝修影響收入, 來緊應該會多過去年, 加上利用去年股息再入兩隻股票, 會增加股息收入, 有點像小時候集郵, 不斷儲不斷儲, 誰想過小時候的行為會應用到投資上!

2016年5月6日星期五

調整中

果然魔咒靈驗, 連跌數天, 破二萬點機會高, 上次低至18000點, 趁低都是以這個做標準, 巳經準備資金, 目標是長和, 買入點低過90, 酒店信託基金候低位入, 希望低過2.50, 呢隻佔中我3元入, 短期放出賺了差價, 想不到現在更平, 因為本地旅游差, 可能未到最差時, 但又覺得係機會, 因為酒店質素不差, 總不會一直差下去, 在香港咁耐以來, 無聽到酒店出現大問題, 現九厘多非常吸引, 我肯定來緊無咁多息, 點都有7厘, 所以可以監察中, 另外沽了3322永嘉,今次是第二次賺差價, 候低再入貨, 我本身有收息, 有增長都有短抄, 短抄資金很少, 志在同市場接近.

2016年4月30日星期六

五窮是否出現?

係股票市場一定對五窮六絕七翻身不陌生, 五月開始這些天股票似乎向下機會很大, 星期五我都放了一隻近期入股票, 賺了一點差價, 同時賣了變酸的股票, 沒有息的股票, 剛季度出現負蝕, 放了免影響組合, 我過去都發生變酸的股票, 都要忍痛斬掉, 就是拉上補下的戰略, 我有退休打算, 股票要執一執, 會減國內股票, 轉高息股票, 現在高息都不便宜, 我知道美國再傳加息, 這類高息股會跌, 現在高價都是抄出來, 所以有機會會跌, 因為買貨沒打算長期收息, 有利可圖會賣掉, 我下一個目標是長和, 最近年報達200多頁, 近90元下我會進一手, 年報要一段時間才看完, 如果好認真去了解, 對我會計本業同投資都有提升, 就是要很多很多時間啊!

2016年4月28日星期四

國內兩極化

中字國企業績非常差, 反而中國私人企業不錯, 有錢賺, 反影了做36 唔做36係養懶人, 私人什麼都靠自己會博求華麗轉身, 當然唔係隻隻都係肯耕, 要識搵有潛質的股, 所以股要睇要跟自己唔懶得, 世界很公平, 早起鳥兒有蟲吃, 無論時代怎變, 這定律不變, 所有投資者都要經過努力一桶金, 往後用桿杆力上, 再以倍上.........

2016年4月27日星期三

酒店信託基金

香港信託基金有一隻經營酒店, 2013年上市價5元, 現在跌了50%, 我在佔領中環買過一次, 賺了差價就放了, 再沒有買咗, 今日新聞說黃金周酒店仍有空置, 旅遊業相當不景, 這隻股票息率達至過9厘, 不是息有增長, 而是價太殘, 現在買入都有風險, 因為旅遊寒流不知幾時了, 可能下次公佈業績會再差, 價有機會再跌, 這個機會很高, 我覺得可以監察, 如果息率過10厘都可以考慮下, 在香港有10厘不多見, 有時執平價係要在負面消息先有機會, 危與機都是同步.

2016年4月26日星期二

REITS創新高

近來REITS升很多,股市波動到人人都向收息股求安穩股息, 我組合有增長股, 有REITS, 有公用股, 有國企股, 最後想不到跑出是用來收息, 我又唔想賣, 我打算個價升到息率低過美國債劵息率會套現另作打算, 現在我最想套現國企股, 因為息率唔吸引, 又捱價, 想睇埋深港通再打算, 換環球房地產基金指數, 香港經濟未來都係差, 未來只會更差, 我手上無香港本土股票, 今日陳家強提及保險業在2020年增長會很快, 我前文提過保險業未來亮點, 友邦會更長線持有!

2016年4月23日星期六

友邦季度業績

昨天友邦公佈季度業績, 新業務價值增長破歷史性, 隨即國內話地下保險, 真係覺得好小氣, 做生意嘅各師各法, 唔反省自己點解唔及人, 仲兇人! 由奶粉, 打針到保險, 看到什麼? 人想追求健康同保障,  俾唔到人仲要阻頭阻勢, 人性就是將所有問題都是別人問題, 不會自己改善同反省, 何來進步空間呢?

未來保險需求一定增加, 因為醫療非常昂貴, 平時付出少許, 一但有事不會沒錢治病, 影響很大, 現在嬰兒一出世, 父母都會替小朋友買教育保險同醫療保險, 出來工作都會替自已買一份保障, 因為工資扣了生活所需費用, 所剩無幾, 何來金錢支付醫療費用, 除非一早開始投資習慣, 有理財能力, 每年能創造高於通漲財富, 香港現在有強積金, 工作開始巳開始供款, 到退休應該有一筆金錢可以維持基本生活, 再有質素靠自己努力, 增值自己工作同財富

友邦主力在亞洲市場, 近來不斷建立良好形像, 零售業務很注重市場佔有率, 要有佔比率一定要有好形象, 亞洲不斷發展, 國內剛改變一孩政策, 發展空間很大, 當然市場很多保險公司, 怎樣突顯與眾不同, 誰領導市場地位, 來緊十年我非常睇好保險行業, 所以我組合持有友邦, 比例不少, 友邦不是收息股, 是增長股
組合要持有不同成份股票達到現金流同財富同時成長

2016年4月18日星期一

追求夢想

最近參加了一個房地產講座, 有一個金句就是追求夢想同自己講想要, 想要, 好很想要, 要將夢想付於實行, 有阻擋都要想辦法一腳踢開, 直奔理想!

很多人都是想無去實行, 到老一場空! 又或者總是無可能, 做唔到去說服俾籍口自己做唔到, 過去投資物業到現在股票, 都是一個信念 想要! 想要! 好很想要!

2016年4月15日星期五

樂園變屠場

今日主題公園大裁員, 被大做文章, 蝕錢抄人都無辦法, 問題係政府有份, 抄人變成有問題, 我都係打工仔, 公司無錢賺仲蝕錢,邊有錢出糧, 唔抄可以做什麼? 不看政府那方面, 就當一盤生意睇, 蝕錢 減成本是必經之路, 人地仲賠錢補哂, 當年荔園執又唔見有人覺得係問題, 從生意角度, 樂園入場費好貴, 一家四口都過千, 自由行來旅行使一次去玩無問題, 港人會唔會個個月來消費, 咁嘅價錢唔會, 去得多都悶, 仲人口開始老化, 老人邊有興趣小朋友鐘意嘅地方, 門票減多些博本地人去玩下,  搞多些創意吸引多些人, 望起死回生, 否則會唔會拆起樓好過, 那是一個相當大的笑話!

2016年4月14日星期四

啤殼股

最近有隻新上市股票, 升幅真難以相信, 全城熱話, 一隻股上市如果以20倍市盈率, 即身家漲了20倍, 吸引無數公司啤殼, 這類股不是我杯茶, 很多股票有不同賺錢方法, 唔係個個一樣, 呢類股我同你都買唔到, 可以坐係度睇場戲, 呢排無咩好戲, 就睇呢套!

2016年4月13日星期三

壞消息是否出盡

今日出乎意料之外上升過600點, 壞消息出盡還是壞消息對市場巳經沒感覺, 今日官方出口竟然回升, 國內是否巳見底, 出現曙光, 這一切要等國內再多經濟數據再作實, 國內巳經量化了一段時間, 理論藥力應該出現, 今次係減稅直接受惠落入民間, 不像上次基建沒直接到民間, 公司可以更優惠利率借錢, 再加上減稅, 企業活動擴張, 增加工資同就業率, 國內巳經進行第三產業, 我相信數年後會更好, 未來睇好保險業同醫藥, 我重注友邦希望佢很快成為亞洲保險龍頭阿哥, 我有信心他一定做到.

2016年4月12日星期二

有幾慘?

今日我同戰友分析下股市, 朋友好悲觀叫我好走貨, 我一年前唔走現在走, 我情願在股災補貨都唔會賣, 事實我唔明佢點解咁悲觀? 因為我個倉日日回升中, 特別我手上港交所同廣發証劵, 似為深港通準備中, 偷步入貨, 另一隻友邦我的愛股將於20號出季度業績, 所以最近價都算幾穩, 我本身發展緊現金流組合, 點會放貨, 我準備了待熊資金等大調整, 係恒指10倍樓下再跌落, 幾難撻得死? 因為我要做到恐慌時入貨, 瘋市出貨, 我經歷了一次跌10,000點熊市, 帶來一次新體會, 長進了我的經驗, 我股齡唔淺, 前10年我係牛市先入貨賺了一筆錢就走, 我經歷兩次牛市, 每次發了小財, 談不上至富, 上至股神, 下到民間價值投資者, 東尼, 曹仁超, 經歷大半世記價值投資達到至富之路, 這條路一定要堅持走下去, 因為我想知道價值投資是否屬真.......

2016年4月11日星期一

國企指數

今日公佈國內數據, 應該在預期內, 所以有不錯升幅, 劵商受到國內放鬆, 升幅相當不錯, 以現在市盈率相當吸引, 我回到家鄉日子指日可待, 希望國內股市回升到正常水平, 我開始睇2015年財務報表, 先看房地產信託基金, 我首先分拆405越秀房託, 發覺應該睇多同類型股票, 我選了0808泓富房託, 不知何解後者表達比前者舒服, 清楚易明, 國內對我來說總之很難了解, 0808是我下一個進貨目標, 現價比較貴, 希望2.80樓下可以入到. 我不想重注單一收租股, 畢竟退休用途要穩陣為主.

2016年4月9日星期六

看年報

雖說我是一名會計, 但不是Certified Accountant, 但我可以獨立全盤帳, 上市的財務是複雜, 近年為了投資股票我都努力去睇報表, 財務報表都在告訴你公司過去一年財務活動, 算是一種了解, 可以看到管理層的管治能力, 同未來一年展望, 一份報告可以有幾百頁紙, 仔細看都要很花時間, 這是增值自己一種方法, 大家可能問點解唔去考個牌! 第一係好困難, 我有個朋友磨了過10年才考到, 有個親友的兒子放棄了, 考到確是工作一個保障, 每一間listed company 要有certified accountant駐守, 但我見佢地係專業浪費很多時間, 現在反來討教投資之道, 擔心退休生活, 即是他們擁有一份高薪都不能保證退休金, 還要個個月埋數加時工作, 季度業績, 半年業績同全年總結等磨到半死, 這是我最近加入上市公司的體會, 我情願花時間去投資, 起碼還有希望吧!

2016年4月7日星期四

港燈的傳奇

我在佔中買入港燈持有到現在, 假如回到以前我將收租股轉入港燈, 那麼我賺了半倍, 當時港燈我等了一年多才展升浪, 我嘅收租股又幾時展開升浪, 佢資產淨值都超過5元, 好多大行睇佢4.80, 大家息率都是超過7厘, 但港燈賺息賺價, 不如樂觀些去到未來我隻收租股可能都升過一倍, 國內資產一定會升, 到時息率應該可以再進一步增加, 香港樓價貴帶動租金, 剛收到差餉又多了, 那1000元都唔夠扣, 唔好誤會我住千呎豪宅, 係細單位, 死未!

今日好像香港金融被踢出三甲, 我覺得香港自己攞來, 金融衍生橫行, 個市簡直用不知所謂, 一日幾百點上落平常事, 散戶沒能力可以將股市當海盜船般擺動, 散戶只有用價值投資來保護自己財富!

2016年4月6日星期三

煥然一居

假期後煥然一居安排揀樓, 結果因為樓價跌中簽人覺得折讓收窄, 買樓嘅人唔多, 其實煥然一居地點不錯, 可惜生不逢時, 所以話市場就係咁, 跌係唔會有人買, 好像現在股票一樣, 因為波動中往下沉, 無人有興趣買股票, 往往牛市時不停買貨, 因為佢地覺得升市會有下一個接貨, 真正投資係無人買好恐慌有閒錢覺得平就買, 等嘅時間會長, 但閒錢唔怕等, 等到牛市個價值超過本身價值可以考慮放出, 完全同大眾相反, 有時我覺得投資人係孤獨, 我現在有閒錢買貨很多人覺得我傻, 因為財務專家話14000點, 更可能係10,000點, 現在仲買唔係傻! 我會揀息率高過30年美國國債, 起碼坐都有點息收!

2016年4月5日星期二

沽空

今日講沽空, 舉例你去證劵行借某股票, 你收到借來的股票在市場放出, 然後在低價買回, 賺了差價, 將股票還回, 我一直都奇怪點解持股人會借出股票,俾人做低自己買的股, 收息又唔
多, 有人解釋是持股人升跌都唔放, 所以借出無所謂, 仲賺下息, 持股人原來唔望升, 非常奇怪!
當然沽空有風臉, 當年政府同大鱷一戰, 盈富基金就是這樣出世, 大鱷在市場沽空, 政府不斷接貨, 結果大鱷重傷離去! 政府買來大量股票變成盈富基金讓市民認講, 當然有人憑沽空而得到可觀回報, 所以我說沽空很出名, 最近中央替沽空叫惡意沽空, 我想邊個沽空唔惡意! 無善意沽空, 沽空發財同價值投資成名的股神, 留在世人有相當極端看法!

2016年4月3日星期日

什麼是期貨?

我前年讀了初中級投資課程, 講解什麼是期貨? 先將期貨兩個字拆開, 期是有時間性, 貨就是物件, 即是未來約定一個日期, 協議一個價錢對一項物件進行交易
他是一項衍生工具, 需要依附一件物件而生, 最常見是恆生指數, 國企指數, 股票等, 恆生指數是現時50家公司股票組合, 這類指數每個國家股票市場都有, 納入指數的上市公司當然有一定要求, 說回期貨的產生, 沒有期貨股市像樓市一樣, 因應供應同需求而引至價格升同跌, 市場很奇怪, 就樓市為例, 幾年前樓價上升, 很多人爭住買樓, 好像唔買唔得, 不停抱怨樓價太高, 今年樓價確認轉方向, 買家不停鋤價都不決定買, 因為覺得再跌, 唔買都不太重要, 可以租唔一定買, 如果樓價再跌, 會觸及按揭成數淪為負資產, 到時通街樓無人買, 股票情況都是一樣, 起時可以非常瘋狂, 跌時可以深不見底, 期貨出現, 可以對沖手上股票, 假如手上很多股票可以沽出期指, 若下跌可以補回正股損失, 我個人覺得對沖多了一個成本, 我的股票如果拆讓, 遲早會升回, 怎樣都好這是期貨原意, 同時你會發現這是一個零和遊戲, 當你買入一張期指, 即是同時有人沽一張期指, 舉個例子 現在恆指是20500, 你買入一張期指, 到了月底結算日收市是21000, 那你賺了500 每點50, 同時有人要賠錢, 不論國企指數, 股票可以買同沽都是零和遊戲, 比較俗的例子是我同朋友在茶餐廳進餐,我可以用100元跟朋友賭下一個入餐廳是男人還是女人, 結果我可能賺100元或者係我朋友賺100元而我損失100, 這算是投資嗎? 期指是比較簡單, 現在有期權, 牛熊証等, 最近仲crossover期權加期指, 玩法多元化, 這類投機多數桿杆, 只要付按金可以買多幾張, 看對方向利潤很豐厚, 不過有一點好肯定大家不是神, 不會每天看對方向, 我覺得跟我練拳一樣, 練拳不練功, 到老一場空, 不是達到財務自由終點!


下回講另一個很出名的財技沽空………..