2018年2月27日星期二

鮑威爾的話

昨晚聯儲局新主席鮑威爾講話, 加上經濟預測,三月份加息都好肯定, 未來都會再加, 近日業績期, 數間銀行都走出谷底, 渣打恢復派息, 未來數年可以見到銀行業該不錯, 我組合都增加中銀香港, 匯豐睇下有無機會持有, 我比較睇好中銀香港, 因為香港銀行排隊最耐係佢, 睇見都怕, 我知樓按最多都係佢, 如果樓按用同業拆息應該加了少少, 又係人民幣結算銀行, 現在睇匯豐賺錢都是亞洲區, 所以中銀香港該不錯, 睇恆生業績就知.

REITS在加息該是不好, 增加成本, 但我覺得一樣會加租, 應該有微影響, 最重要收租物業靚, 我持有越房物業在國內, 加上今年有很高比率租約到期, 又有新項目武漢, 我會保持現在股數, 另泓富負債低, 不過現在才知物業一般, 收埋呢次息可能會換, 換貨可能係中銀香港或港燈,  港燈息率同泓富差不多, 中銀香港得三厘, 不過未來有機會加息率, 港燈同長實地產合作補地價在港燈前物業重建酒店, 又不錯, 多一項收入!都係到時再想!

215失望

和記最後都不派特別息,我入股價不高,早前放三分一,整體上不用蝕可能賺微利,白忙一場,怪不得有人說短抄是窮忙族真不假,講番和記似乎應該預咗打回原形,揸住和記很多長和都攞唔到,一拍兩散,持有此股身家大縮水,這種損人不利己今次見識過,穩健林本利都入咗,買價仲貴過我,其實睇開林本利佢本身都對李嘉誠手法不認同,但都從投資價值入貨,我只說我唔用和記買此股都算該死,唔蝕錢浪費時間我該認,因為我一直買入我生活相關股份,不按規則自己受,今次上了一課

講番近兩日出業績,先講新創建,業績不符預期,我睇過除了一次性項目是有增長,市場就係咁,我午餐停市都掛牌出了,叫提早收股息,我打算回到14元樓下再入,但業務令我比較留意係航空租賃,非常賺錢,成新創建最賺錢業務,我接著入中銀租賃,呢隻算龍頭,我覺得航空租賃前景好,再說渣打我無貨,但渣打開始派息,加上幾間銀行業績好轉,看來銀行走出谷底,如果美國今年加息如期三次,未來銀行前景好,我選中銀香港開始投資,再來友邦,我個人覺得友邦業績很好,友邦都是金融股,金融有運行,手上友邦安心持有。

似乎我友邦越房穩中有進,生活股大至問題不大,一切不變,今年我會增加銀行同租賃投資,手上的 股票都差不多。

2018年2月20日星期二

和記電訊更新

假後和記電訊表現不錯,大家都期待26號業績公佈,當然包括埋我,下星期我有4隻股票出業績,和記電訊,新創建,玫龍紙業同友邦,我最期待一定和記電訊,現在帳面都有不錯利潤,討論區開始有人放股,因為佢地怕無特別息會跌,我都認同佢地講法,如果無消無息下次業務得一半業務,呢隻股個業務值錢,盈利都係一般,我睇番我買入息率都係4厘,但巳經派盈利75%,如果無一半業務未來息更低,所以佢地唔等有理由,一句講哂,每一個人荷包都不錯,有能力咪等到有結果,無能力咪埋單走人,各取所需。

2018年2月19日星期一

新一年現金流

過完新年,不過都祝大家新一年現金流更多,身體健康! 在過年我組合最重越房公佈業績,又有增長,今次遇到人仔升值,分派真不錯,持有近5年每一年都有增長,早前香港電訊都一樣有增長派息,作為投資,選到倍升股固然好,但現金流同樣重要,砌出一個源源不絕現金流倉更重要,現在加息接近,三厘派息吸引力不大,五厘比較好,我最近新加入新創建,股份比例都入好,還有數天出業績,由於新加入都要數年時間觀察,新創建息率不高,希望未來幾年會提高派息率,股價都希望可以提高,因為新創建是綜合股,其實我有考慮長江基建,但最後都選新創建,近來入一手領展,領展要時間儲,成本貴,派息現買不高,所以有閒錢才入!

今年有什麼好股來增加現金流? 有什麼好建議?

2018年2月6日星期二

今日股災

今日股災,一日跌過1500點,我都無沽貨,畢竟我要收股息,業績第一炮香港電訊今日出,派息又有少少增長,全期對應現在股價達七厘,我好滿意,如果不變,我生活對沖倉今期都有6位進帳,本金都是浮浮沉沉,收股息就是收股息,股價不是重點,所以我生活對沖倉都好穩定,我之前用股息入恆騰網絡,今次業績決定是否繼續留下來,不理想我會沽出轉入中電,港燈我有貨還欠中電,兩電一煤在香港專利下可收穩定股息,所以有機會我一定要買到還未有貨的中電!

2018年2月4日星期日

股市凍,天氣凍

今星期天氣很寒冷,我家人都咳,一入夜就咳,凍到入心入肺,星期五美國股市又遇寒流,明天香港股市凍過水,說因爲職位多過預期,經濟好,三月加息好高,我覺得要跌唔需要原因,我朋友星期六找我說很多股票不知怎算? 在高位仲入股票難道不會調整,買股票最重要講心態,佢入騰訊,咁預託跌十幾元,大市一回 騰訊首當其衝,平安,友邦同港交所無一可以唔跌,要留意國內投資客買盤強唔強,如果強都不怕,我始終覺得個市係向好,過年前個市都係唔會太好,我等緊派息消息,我始終大部分股票要來收股息,不是短抄,平時短抄同期權數量不多,所以心理還可以,我早前沽日元有望翻身,相反我會處理日元先,股票隨緣