團購的缺點

昨天蜂買出現問題, 商戶停止兌換, 所以點會無風險! 我見同事做網購不停去工廈排隊取貨, 攞完仲要賭下有無問題! 我一向都喜歡零售, 係商店當面交收, 可能我買野都唔多, 一年兩季衫, 鞋一對, 仲好著重穿後感, 唔太重要都會網購, 實在不多!

現今世界好想打破傳統方式, 買野係享受, 可以逛商場像尋寶, 睇啱可以試, 係馬莎我可以行半日, 好好消磨時間, 為什麼要午飯同收工趕去取貨, 有次陪個同事去仲嘈一輪, 事件係咁去取貨要俾運費, 該店可以八達通, 前面個客張八達通過唔到, 身上大鈔, 佢同店員話賒住先, 個店員打工梗係唔得, 個客係度狂數, 仲死唔肯走, 條龍變好長, 後面那個男人話我帮你俾, 咪阻住我回家, 可想而知很不愉快!

將來網購是否打破傳統購物方式, 我覺得自己店開多一條網購線比較可靠, 可以去回店取, 無中間網店隔一重, 唔好可以當面換, 幾好營銷都會有死門, 我唔明點解網購會熱! 明日主流!