2017年12月11日星期一

12月期權

今個月忙, 唔記得出新期權表, 大部份平倉

stock option  price   qty   receive  return
386 SC      6.00    10,000.00       1,077.00 21.54
1898 SP      3.60    50,000.00       4,457.00 29.7133
700 SC   400.00         200.00       1,612.00 24.18
      7,146.00
    17,884.90 (巳平倉)
    25,030.90




2017年12月5日星期二

今日大跌市

今日大跌市,好彩隻215企穩,405我都見慣佢潮起潮落,因為要收息生活,所以唔會短抄,我有股友話好驚,自從2015大時代經歷一次股災,今日感覺很平常心,我覺得唔跌個個都唔番工抄股票,最緊要自己條數計得掂,交易唔好搶火,今次要捱到農歷年,明年重新開始,2017年公司業績不錯,有利下降恆指市盈率,美國減稅成為全球稅率優惠國家,市場擔心企業回流美國,亦都是特朗普想見到,但稅收減財赤增加,同惡性競爭無分別,希望佢能捱過陣痛!

2017年12月2日星期六

健康財富

我沒有工作後除了投資我平常最多時間做運動,多年工作積下來累令到筋骨好硬,於是增加運動量,散步一小時,練功一小時,晚上拉筋一小時,一直好想做到一字馬,大字馬,最近實行緊,唔拉唔覺緊,我睇網上教學,拉了一段日子,我覺得整個人都柔軟多,但完成我所講兩個動作還有一段距離,每次都感覺好痛,但都堅持下來,我人生現在比較深刻體會堅持兩個字,在投資同拉筋上學到,在過程中你會有無數次令你想放棄,氣餒,過後想想為什麼每次有困難就想放棄,現在你幾歲? 到死那一天你有什麼成功過?

在投資上我希望透過我對經濟前景分析找到一隻倍升倍,唔係一倍那種,亦不需要像騰訊,有十倍左右都收貨,在拉筋上當然做到一字馬同大字馬,再修下身咁,我現在瘦了點,有點成績,再柔軟更加好。

我願望從來不定太高,太高盞自己失望,何必為難自己!

2017年11月28日星期二

215和記電訊

很快到12月,和記電訊曾經說12月大會討論派息,之前145億收購 ,即每股現金達3元,現價2.8,我本人覺得市場好奇怪,和記現在市值135億,我覺得非常抵,可能股民無耐性,加上早前騰訊咁熱,又招股,資金流走出去,散戶比較著重眼前個形勢,唔識咩價值投資,可能亦覺得唔會派特別息,我一於少理,不停買入,等運氣到,機會留俾有準備的人,我睇過披露易,長和持有和電67%,街貨33%,如果長和要現金,派特別息成數好高,派幾多呢?我計過扣50億負債 ,派盡應該有2元,範圍約1·5或1·8左右,唔知是否可以在聖誕節前收到這份禮物呢!?

2017年11月27日星期一

期權延期知識

我隻中石化SP應該要接貨, 但IB有延期, 我打算接貨, 但一直未試過做延期, 跟著教學視像學, 講英文, 我邊看邊了解, 自從我用IB英文好咗, 結果我了解哂, 做了, 但發覺唔抵同無買家, 結果取消, 我接咗都袋咗期權金, 係下個月可以SC, 了解後識多樣, 其實可以平倉在下個月做同一個倉, 唔使蝕期權金, 但要俾手續費, 最後我選擇接貨.

2017年11月26日星期日

11月份投資業績

自九月後我一直在做投資工作, 期權巳經做到一月份, 二月份未做, 十一月期權回報接近30000元, 十二月份差不多, 因十一月還有兩個options未平, 應該到期自然平倉, 12月會加埋兩個SC options, 個倉從七月計到現在, 連股息都近30多萬收益, 未計12月份, 年過100萬未達標, 仍需努力.

10年一股災限期還有一個月, 過了12月沒股災, 加上明年業績應該有不錯增長, 特別是國內, 恆指市盈率會因業績增長而降下, 40000似乎在望, 現在有來年業績支撐住, 資金無流失, 加上國內人開始投資港股正增加, 希望可以向好.

離目標又接近了, 可以實現理想比較容易!

2017年11月21日星期二

30000點你在何方?

過了30000點賺到錢人不多,我個倉都叫升到5成,另外個強積金都有不錯增幅,因為我未夠法定退休提不出,自己先行退我要自僱去供,暫時考慮中,到退休能取還有很遠,怕到都蝕哂管理費,騰訊期權倉平哂,急升下回調再睇,開始做內銀期權,內銀好睇人仔,人仔升內銀向好!