2018年4月19日星期四

減少期權操作

我最近減少做期權,個市做SP好大機會接貨,波動偏向低,所以減少SP會做SC多,30000點水平買貨唔咸,所以等回到28000先考慮,暫時SC下,出貨多增加現金,再等下才買,買幾年的貨有倍升或原地踏步,收息為主。

我有收開息唔一定個個月做期權,保持生活水平就算,反而現在專注在學習養生功,有班出去教幾個鐘,生活都算幾寫意!

今日沒課我去赤柱走一轉,慢生活,我問過租屋情況,可以租一年,半年或一星期,我打算有機會去租一段時間,幾喜歡赤柱生活,係沙灘練養生功,視野很廣,人們步伐很慢,我希望到時唔會怕悶!

2018年4月11日星期三

友邦創新高

友邦昨天創新高,一直我認為佢該有70樓上,不過股市唔係跟價值行,值咩錢係大戶話事,散戶窮得只剩耐性,創新高係習總說開放受好消息下創新高,我手上友邦係我持有數量一半,睇好何來減持一半,因為息率不高,我在退休不工作要轉比較高息股票,有人話股價反應都升值,那是紙上富貴,食唔飽,現金流唔夠,所以買股票要睇個人當時處在什麼狀況!

2018年4月10日星期二

中國平安分拆

昨天早上傳中國平安分拆平安好醫生上市,今星期四聆審,下星期路演,約月底招股,平安自98元跌到78元,昨天早上我入4手,因為分拆對母公司有利,平安好醫生是科技醫療股,係新業務,市場不知是否有憧景,要到時才知道,80元入市風險不大,同場做6手SP82.5,接貨機會一般,希望可以回到90樓上,我都不打算長期持有。

2018年4月1日星期日

泓富產業

我持有泓富約兩年時間多,收股息約5厘多,去年泓富出售海澄軒,派息沒有增加反而減少,資金去了減債,對於REITs 現在知道資產要有坐標性,才會價量提升,如果持有平平無奇資產增值不高,業績後我沒有收股息放了,因為大家期待增加派息推高股價,放了都沒損失,這隻Reits賺不多,越房較進取同有白馬廣場同廣州IFC坐標性物業,不斷加入新物業。

李生退休,所有公司發展會更保守,超人退休想起自己一段往事,我本身之前在一間公司工作非常長時間,原因有好領導,好老板,可惜後來老板安排退休找兒女接手生意,本來我都不在意,當時公司正改革,我帳目需重新整理,找到我朋友協助一段短時間,剛二代回來接手,朋友目擊這一切跟我說你新領導人好像不會像你老板般有生意能力,我一直都沒想過因為當時太忙,不過朋友提醒我放在心中,我都開始退休念頭,往後我一直都關注起退休準備,我都認同生意不同打工,不是誰都能做,不是生的仔女都有相同能力,往後工作合作巳經應驗朋友的說話,我加快退休決定,同時間賽跑結果我都勉強都可以退了,我後來做兩年散工加固退休本錢,去年我正式退下職場,我舊戰友都四分五裂,我本來都有想做生意念頭,現在沒有,相反在上市公司買股票更實在,生意真不是誰都可做。

在那年花開月正圓周瑩營商巳經說明生意不是什麼人都能做起來,眼光同遠見都同樣重要,膽識更不可少,伙伴運用更加不能少,當今首富身邊又會缺良將嗎?

2018年3月30日星期五

IB提款

最近在IB提款,第一次比較多資料填,我要弄幾次才順利完成,本來打算收埋股息才取,但好多都要5月或6月,不如分兩次,半年總結都是比工作好,收入比工資高,時間自由,早上睡到自己想醒,放慢生活,在幾十年工作生涯未試過現在悠閒,有朋友問我過得慣? 我說開始不太慣,現在好很多,將自己放慢下,其實番工都是為工資,如果一樣有現金流生活,不一定要工作,但工作有好處過集體生活,那管辦公室政治,好不好都是交流,不過我都多些活動,一樣有互動,打算有時間睇下越房的財務報表,最近發覺股價亂市都很穩定,另一隻領展表現不太好,所以在報表中找答案,其實越房我都重倉,不能不跟進!

2018年3月20日星期二

回來投資

最近好忙, 忙於關注我比賽, 我好耐無比賽, 多咗去練習, 少睇市, 比賽完回歸股市, 我隻越房因為可能在內地出房託, 如果中央批的話, 國內很快有第一隻房託, 我覺得機會好高, 將資產證劵化, 令到資金加快流轉, 越房有機會睇高一線, 我要來收股息, 唔賣但價值提高望到都高興, 另一隻友邦今日創新高, 我朋友有持有友邦, 今日好開心通知佢, 佢話放咗, 原因係佢聽到有股評人說恆指有機會跌到26000點, 佢係三月初聽到, 當時唔多業績出, 我都唔表態,但到現在業績很多公司都不錯, 我反而覺得恆指有力挑戰高位, 其實友邦市盈率未到20倍, 作為龍頭保險股都不太有可能, 大家買保險都係買幾十年後, 如果20年都無, 仲買咩保險, 嘉華國際業績出來普通, 朋友有貨在手, 佢似乎因為26000點減持股票, 係有錢賺放出, 無錢賺就守, 不是睇基本分析, 當然誰會花大量時間去睇幾百頁紙年報, 嘉華由高位5.80一直跌落5.08 都有過百分之十, 我未睇那年報, 只睇機上簡約數字, 市盈率5倍都無, 賣出100億只有19億入2017年帳, 其他分兩年入帳, 2017年營業額我就未睇到, 2017年賺23億, 我估計未來差不多, 因為投地多了,造成負債多了, 但應該來緊收入會縮細負債率, PB0.5, 地產起樓都要三年, 市盈率4倍幾, 嘉華有大量土儲在大灣區, 大灣區發展緊, 正如黎明話今日少少挫折算什麼? 他朝成就必非凡. 手上還有不錯的銀河, 守下將來一定賺得番

2018年3月5日星期一

大升大跌是等閒

這些天股市大起大跌,好消息就大升,壞消息就大跌,一個普通散戶如何看待股市升跌?
所以我覺得初入股市投資先向穩定收股息入手,有朋友說這樣買股票有意思嗎?倒不如擺在銀行收利息,想當年銀行利率高,有4,5厘真很多人情願穩定收息,因為保本,買股票有一樣息率但不保證本金不蝕 股價是會波動,近十年如果放銀行應該本金都蝕,100元消費巳經不是一樣消費,最近因為加息事實變成真,所以股市很多走貨轉回擺銀行收息,但我又不是這樣看,我看到政府不斷增加土地供應同有基建發展,人口在增長,沒增長何需咁多土地,電煤未來會有增長,所以根本不能這樣比較,我印象中加息股市都有升,市場不停興波作浪,做成股市動盪,投資者要有良好心態應對,我發覺一些投資朋友最近因為股市影響心情,這樣經不起波動,為什麼要買,他們都是比較年輕,認為股票很容易賺錢,經常短期追逐,我一向認為投資股票該有巴菲特那樣思維,要長期,如果打算兩三天賺少少就轉場,那遇到波動很容易出事,如果股票長期看好,價格上落又那麼介懷,我都覺得很奇怪!